GST ઘટતા કઈ કઈ વસ્તુઓ થશે સસ્તી અને ઘટેલા ભાવ ક્યારથી આવશે અમલમાં....તે ખાસ જાણો

56મી જીએસીટી બેઠક નાણામંત્રી નિર્મલા સીતારમણની અધ્યક્ષતામાં થઈ જેમાં કેન્દ્રની મોદી સરકારે તહેવારો પહેલા મોટી ભેટ આપી છે. જરૂરી વસ્તુઓ પર જીએસટી ઘટાડીને ઝીરો કરી દીધો. વધુ વિગતો ખાસ જાણો. 

દૂધ, બ્રેડ, પનીર પણ સસ્તા થશે
નાણામંત્રીએ પ્રેસ કોન્ફરન્સમાં કહ્યું કે રોટીઓ પર કોઈ પણ જીએસટી લાગશે નહીં. રોટલી હોય કે પરોઠા કે ભારતીય બ્રેડ, આ બધી વસ્તુઓ પર જીએસટી ઝીરો રહેશે. જે વસ્તુઓ પર જીએસટી 5 ટકાથી ઘટાડીને શૂન્ય કરવામાં આવી છે તેમાં ખાખરા, ચપાટી એટલે કે રોટલી, દૂધ, બ્રેડ, પનીર વગેરે સામેલ છે. 

શાળાના સામાન ઉપર પણ જીએસટીમાં રાહત
શિક્ષણ સંબંધિત સામાન જેમ કે મેપ, ચાર્ટ, ગ્લોબ, પેન્સિલ, શાર્પનર, પેસ્ટલ, એક્સર્સાઈઝ બુક, અને નોટબુક પર જીએસટી 12 ટકાથી ઘટાડીને શૂન્ય કરવામાં આવ્યો છે. 

આ દવાઓ પર હવે 0 ટકા જીએસટી
કેન્દ્ર સરકારે 33 જીવન રક્ષક દવાઓ પર જીએસટી 12 ટકાથી ઘટાડીને શૂન્ય કરી છે. જીવન રક્ષક દવાઓમાં ઓનાસેમનોઝેન, અબેપાર્વોવેક, એસ્કિમિનિબ, મેપોલિઝુમાબ, પેગીલેટેડ લિપોસોમલ ઈરિનોટેકન, ડારાટુમુમાબ, ડારાટુમુમૈબ, ઉપચર્મ, ટેક્લિસ્ટામેબઅમિવંતામબ, એલિક્ટિનિબ, રિસ્ડિપ્લામ, ઓબિનુટુઝુમૈબ, પોલાટુઝુમૈબ વેડોટિન, એન્ટ્રેક્ટિનિબ, એટેઝોલિજુમાબ, સ્પેસોલિમેબ, વેલાગ્લૂસેરેઝ અલ્ફા, એગલ્સિડેસ અલ્ફા, રૂરિયોક્ટોકોગ અલ્ફા પેગોલ, ઈડુરસલ્ફેટેઝ, એલ્ગુલૂકોસિડેસ અલ્ફા, લેરોનિડેસ, ઓલિપુડેસ અલ્ફા, ટેપોટિનિબ, એવેલુમેબ, એમિસિજુમાબ, બેલુમોસુડિલ, મિગ્લસ્ટેટ, વેલમનસે અલ્ફા, એલિરોક્યૂમેબ, એવોલોકુમાબ, સિસ્ટામાઈન બિટાટ્રેટ, સીઆઈ-અવરોધક ઈન્જેક્શન, અને ઈંક્લિસિરિન સામેલ છે. 

વીમા પર જીએસટી ખતમ
આ સાથે જ સરકારે વ્યક્તિગત સ્વાસ્થ્ય અને જીવન વીમા પર જીએસટી ઘટાડવાનો નિર્ણય લીધો છે. હવે વ્યક્તિગત વીમા પર જીએસટી 18 ટકાથી ઘટાડીને શૂન્ય કરાયો છે. 

રોજબરોજનો સામાન થયો સસ્તો
સરકારે સામાન્ય લોકોને રાહત આપતા શેમ્પુ, સાબુ, તેલ જેવી ડેઈલી વપરાશની વસ્તુઓ પરથી જીએસટી ઘટાડીને 5 ટકા કર્યો છે. આ સાથે જ મીઠું, પાસ્તા, કોફી અને નૂડલ્સ પણ પહેલા કરતા સસ્તા થશે. 

થર્મોમીટર અને જૂતા પર રાહત
સ્વાસ્થ્ય ઉપકરણોમાં થર્મોમીટર અને ગ્લૂકોમીટરને પણ 18 ટકાથી ઘટાડીને ઓછા ટેક્સ સ્લેબમાં સામેલ કર્યા છે. આ ઉપરાંત 3500 રૂપિયાથી ઓછી કિંમતવાળા જૂતા ઉપર પણ હવે ફક્ત 5 ટકા જીએસટી લાગશે. 

ગાડીઓ, ટીવી અને એસી સસ્તા થશે
નાની કારો, 350 સીસી બાઈક, થ્રીવ્હીલર અને ઘરના મોટા ઈલેક્ટ્રોનિક્સ જેમ કે એસી ફ્રિઝ વગેરેના ભાવ ઘટશે. તેના પર જીએસટીને ઘટાડીને 28 ટકાથી 18 ટકા કર્યો છે.

ઘર બનાવવાનો ખર્ચ ઓછો
સીમેન્ટ અને ઓટો પાર્ટ્સ ઉપર પણ જીએસટીના ભાવ ઘટાડવામાં આવ્યો છે. હવે ઘર બનાવવાનું પહેલા કરતા સસ્તું થશે અને 350 સીસી બાઈકના ભાવ ઉપર પણ સીધી અસર પડશે. તમને જણાવી દઈએ કે નવા ટેક્સ સ્લેબ 22 સપ્ટેમ્બરથી લાગૂ થશે. ત્યારબાદ આ બધા સામાન પર તમને ટેક્સમાંથી રાહત મળશે.