 "GST 2.0 બનશે ભારતનું બ્રહ્માસ્ત્ર, ટ્રમ્પના 50% ટેરિફનો આપશે જવાબ, આફત બનશે અવસર!")
Tariff Vs GST: અમેરિકાએ ભારત પર 50 ટકા ટેરિફ લગાવી મોટો ઝટકો આપ્યો છે. અમેરિકાના રાષ્ટ્રપતિએ રશિયાના તેલને ઢાલ બનાવી ભારત પર ટેરિફ બોમ્બ ફોડ્યો છે. તેનાથી ભારતના કારોબાર, નિકાસ, ઉદ્યોગ અને નોકરી પર અસર પડશે. માનવામાં આવી રહ્યું છે કે ટ્રમ્પના ટેરિફથી ભારતના જીડીપી ગ્રોથ પર 04.થી 0.6 ટકા સુધીનો ઘટાડો જોવા મળી શકે છે. ગ્લોબલ ટ્રેડ રિસર્ચ ઇનિશિએટિવ (GTRI) પ્રમાણે 50 ટકા ટેરિફ લાગવાથી ભારતની 5.4 લાખ કરોડની નિકાસ પ્રભાવિત થશે. ટેરિફને કારણે, એપ્રિલ 2027 સુધીમાં ભારતની અમેરિકામાં નિકાસ ઘટીને 4.3 લાખ કરોડ રૂપિયા થઈ શકે છે. ટ્રમ્પ ભારતને નુકસાન પહોંચાડવા માંગે છે અથવા દબાણ વધારીને પોતાની શરતો પર વેપાર સોદો કરવા માંગે છે. હવે તેમણે રશિયા-યુક્રેન યુદ્ધમાં ભારતનું નામ પણ ઘસી નાખ્યું છે. ટ્રમ્પના ટેરિફ પર બદલો લેવાની માંગ થઈ રહી છે. વેપારીઓ ઈચ્છે છે કે ભારત પણ અમેરિકાથી આવતા માલ પર ટેરિફ વધારે, પરંતુ ભારતે પોતાનો પ્લાન તૈયાર કરી લીધો છે. ટિટ ફોર ટિટ જવાબ આપવાને બદલે, ભારત ઘરે ટેરિફ યુદ્ધને સમાપ્ત કરવાની યોજના પર કામ કરી રહ્યું છે.
ટ્રમ્પના ટેરિફનો જવાબ આપશે GST
અમેરિકા નિકાસ થતાં સામાનો પર ટેરિફ વધવાથી અર્થવ્યવસ્થા પ્રભાવિત થશે. અમેરિકાને વળતો જવાબ આપ્યા વગર ભાગરે ઘરેલું સ્તર પર તેનો સામનો કરવાનો પ્લાન તૈયાર કર્યો છે. ભારત તે દેશોમાંથી છે જે આપદામાં અવસર શોધે છે. જીએસટી રિફોર્મ તેનું પરિણામ છે. 15 ઓગસ્ટે લાલ કિલ્લા પરથી જ્યારે પીએમ મોદીએ જીએસટીમાં ઘટાડાની વાત કહી તો સ્પષ્ટ થઈ ગયું કે ભારતે માંગને વધારી ટેરિફથી થનાર નુકસાનને ઘટાડવાનો માર્ગ પસંદ કર્યો છે.
અમેરિકન ટેરિફના હુમલાનો GST કેવી રીતે સામનો કરશે?
સરકારે GST સ્લેબ ઘટાડવાની તૈયારી કરી છે. GSTના 4 સ્લેબ ઘટાડીને ફક્ત 2. 5%, 12%, 18%, 28% બે સ્લેબ 5% અને 18% કરવામાં આવશે. GST દરમાં ઘટાડો કરવાથી વસ્તુઓ સસ્તી થશે. કિંમતોમાં ઘટાડાને કારણે માંગ વધશે, લોકોની ખરીદી વધશે. GSTમાં ઘટાડો થવાથી ભારતીય ઉત્પાદનો સસ્તા થશે. જો સ્થાનિક માંગ વધશે, તો કંપનીઓની નિકાસ પર નિર્ભરતા ઘટશે. આવી સ્થિતિમાં, ટેરિફ અસરની શક્યતા ઓછી થશે.
જીએસટી ઘટવાથી ઘરેલું માંગ વધશે
વર્તમાન સમયમાં ભારત દુનિયાનું સૌથી ઝડપથી વધતું ઉપભોક્તા બજાર છે. SBI રિસર્ચ રિપોર્ટનું માનીએ તો જીએસટી સ્લેબમાં ફેરફારથી 1.98 લાખ કરોડ રૂપિયાની ઘરેલું વપરાશ વધશે, એટલે કે દેશમાં 24 અબજ ડોલર જેટલો વપરાશ વધશે. પરંતુ જીએસટી રિફોર્મથી રેવેન્યુમાં 85000 કરોડ રૂપિયાનું નુકસાન પણ થશે. આ જીએસટી સુધારથી GDP માં 0.6 ટકાની વૃદ્ધિ થવાનું અનુમાન છે. જીએસટીને કારણે માંગમાં રૂ. 1.98 લાખ કરોડનો વધારો યુએસ ટેરિફને કારણે થયેલા નુકસાનને સરભર કરશે, જે લગભગ $10-15 બિલિયન છે.
ટેરિફથી ઘરેલું માંગમાં તેજી
અમેરિકાનો ટેરિફ વધવાથી નિકાસન ઓછી થશે, તેવામાં કંપનીઓ આ સામાનનું વેચાણ દેશમાં કરવાનો પ્રયાસ કરશે. એટલે કે ભારતમાં વસ્તુ સસ્તિ થઈ જશે. ઈન્ડિયન એક્સપ્રેસના એક રિપોર્ટ પ્રમાણે અમેરિકા જતા સામાનને મોટા ભાગની કંપનીઓ ઘરેલું બજારમાં વેચવાનો પ્રયાસ કરશે. જેના કારણે સામાનની કિંમતમાં ઘટાડો થશે. એટલે લે સસ્તો સામાન મળવાને કારણે લોકોની ખરીદશક્તિ વધશે અને કંપનીઓએ નિકાસ પર નિર્ભર રહેવું પડશે નહીં.
)