ગુજરાતમાં કાયદામાં ધરખમ ફેરફાર! સરકારી જમીન પર કબજા સહિત અનેક ગુનામાં જેલ નહીં જવું પડે

ગુજરાત સરકાર બહુ જલદી એક બિલ રજૂ કરશે જેમાં કેટલાક ગુનાઓને  ક્રાઈમની શ્રેણીમાંથી બહાર રાખવાની જોગવાઈ કરાઈ છે. સરકારની આ પહેલ વિશ્વાસ-આધારિત શાસન અને વેપારમાં સુગમતાને પ્રોત્સાહન આપવા માટે છે. 

બિલમાં ગેરકાયદેસર બાંધકામ, જાહેર સ્થળો પર કબજો, ગંદકી ન હટાવવી, જાહેર સ્થળો પર ઢોર બાંધવા અને કેટલાક ટેક્સની ચૂકવણી ન કરવા જેવા વિવિધ અપરાધો માટે દંડાત્મક કાનૂની કાર્યવાહીના સ્થાન પર દંડની જોગવાઈ કરાઈ છે. એ રીતે નગરપાલિકાની મંજૂરી વગર ખુલ્લા સ્થળે મળ કે અન્ય તરળ સામગ્રી વહાવવા, ડેરી ઉત્પાદનો વેચવા અને લાઈસન્સ વગર કેટલીક વસ્તુઓના ઉપયોગ વગેરે પર ફક્ત દંડ જ લાગશે. 

મંજૂરી વગર કોઈ ભવનમાં તીર્થયાત્રીઓને રોકાણ કરાવવું, નગરપાલિકા દ્વારા જારી કોઈ કાયદેસર નિર્દેશ કે નોટિસનો ભંગ કરવો, રસ્તાઓના નામ અને સંખ્યાઓને વિકૃત કરવા અને અધિકૃત વ્યક્તિઓને પ્રવેશ કરતા રોકવા બદલ પણ ફક્ત દંડ ફરવાનો રહે. 

રાજ્ય અને સંસદીય તથા વિધાયી મામલાઓના મંત્રી ઋષિકેશ પટેલે ગાંધીનગરમાં કહ્યું કે તેનો હેતુ નિયમો અને વિનિમયોને સરળ કરવા, કારોબારને સરળ કરવો તથા કોર્ટો પર બોજો ઘટાવાનો છે. તેમણે કહ્યું કે વિધાનસભાના આગામી મોનસૂન સત્ર દરમિયાન રાજ્ય સરકાર 11 વર્તમાન અધિનિયમોની કેટલીક જોગવાઈઓમાં સંશોધન માટે 'ગુજરાત જન વિશ્વાસ (જોગવાઈઓમાં સંશોધન) બિલ'
રજૂ કરશે. 

ઋષિકેસ પટેલે પત્રકારોને જણાવ્યું કે વિધાનસભાનું ચોમાસુ સત્ર 8થી 10 સપ્ટેમ્બર સુધી ગાંધીનગરમાં મળશે અને જન વિશ્વાસ બિલ સહિત 5 બિલ સદનમાં ચર્ચા તથા મંજૂરી માટે રજૂ કરાશે. તેમણે કહ્યું કે, અમારો હેતુ નિયમો અને  વિનિયમોને સરળ બનાવવા, કારોબારમાં સરળતા વધારવી, કોર્ટો પર બોજો ઘટાડવો અને હાલની જોગવાઈઓને  તર્કસંગત બનાવવાનું છે. 

બિલ મુજબ મામૂલી ગુનાઓ માટે જેલનો ભય બિઝનેસ ઈકોસિસ્ટમ અને વ્યક્તિગત આત્મવિશ્વાસના વિકાસમાં બાધા નાખનાર એક પ્રમુખ પરિબળ છે. તેમાં કહેવાયુ છે કે આથી સરકાર અનેક મામૂલી અપરાધોને ક્રાઈમની શ્રેણીમાંથી બહાર રાખવા પર વિચાર કરી રહી છે અને તેની જગ્યાએ આર્થિક દંડની જોગવાઈ કરી રહી છે. આવા પગલાં ભરીને સરકાર જીવન અને કારોબારને સુગમ બનાવવા અને કોર્ટો પર બોજો ઘટાડવાની પૂરી કોશિશ કરી રહી છે. 
(અહેવાલ સાભાર- ભાષા)