ભાઈ મોજમસ્તી કરવા બેંગકોક ગયા અને પછી પત્નીને ખબર ન પડે એટલે એવું કારનામું કર્યું....પોલીસ પકડી ગઈ

ઓફિસના કામે મુંબઈ જવાનું છે, હેડ ઓફિસ જવાનું છે...જેવા અનેક બહાના કાઢીને પતિ બેગ પેક કરીને ઘરેથી નીકળી ગયો અને સીધો બેંગકોક ફરવા પહોંચી ગયો. 51 વર્ષનો આ વ્યક્તિ તેની પત્નીને જણાવ્યાં વગર કોઈ બીજા સાથે બેંગકોક ફરવા માટે ઉપડી ગયો. એક અઠવાડિયાથી પણ વધુ સમય સુધી બેંગકોકના સુંદર ટુરિસ્ટ સ્પોર્ટ્સ અને હોટલોમાં રહ્યા બાદ તે મુંબઈ પાછો ફર્યો. પરંતુ તેણ વિચાર્યું કે તેની આ બેંગકોક ટ્રિપ વિશે પત્નીને બિલકુલ ખબર પડવી જોઈએ નહીં. આથી તેણે ખુબ ચાલાકી કરી. તેણે પૂરેપૂરી કોશિશ કરી કે તેની આ બેંગકોક ટ્રિપ વિશે પત્નીને કશું ખબર ન પડે. પરંતુ તેની આ ચાલાકી વધુ સમય સુધી ચાલી નહી. પત્નીને તો શું આખા પરિવાર અને દેશને આ વિશે ખબર પડી ગઈ. 

પુણેના 51 વર્ષના વી કે ભાલેરાવ પત્નીને જણાવ્યાં વગર બેંગકોક ફરવા ઉપડી ગયા. તેમણે 7 કરતા વધુ દિવસ બેંગકોકમાં પસાર કર્યા. સૂત્રોના જણાવ્યાં મુજબ ભાલેરાવ સાથે  બેંગકોકમાં એક છોકરી પણ હતી. 

મળ્યો ઝટકો
બેંગકોકથી સીધા મુંબઈ એરપોર્ટ પર ઉતરેલા વી કે ભાલેરાવને કસ્ટમ  અધિકારીઓએ પકડી લીધા. તેનું કારણ હતું પાસપોર્ટ. વી કે ભાલેરાવનો પાસપોર્ટ અને વિઝા બધુ યોગ્ય હતું. પરંતુ વી કે ભાલેરાવ નહતા ઈચ્છતા કે પત્નીને આ બેંગકોક ટ્રિપ વિશે ખબર પડે. તેમને ડર હતો કે જો પત્ની પાસપોર્ટ જોશે તો તેને બેંગકોક ઈમિગ્રેશનના સાઈન અને મહોર જોવા મળી જશે. આથી તેણે પોતાના પાસપોર્ટમાંથી બેંગકોક ઈમિગ્રેશનના સાઈન અને મહોરવાળા પાના જ  ફાડી નાખ્યા. 

મુંબઈ એરપોર્ટ પર જ્યારે ઈમિગ્રેશન અધિકારીઓએ તેમનો પાસપોર્ટ ચેક કર્યો તો તેમને પાસપોર્ટના 17-18 અને 21-22 નંબરના પાના ગાયબ જોવા મળ્યા. શક જતા અધિકારીઓએ વી કે ભાલેરાવને અટકમાં લઈને પૂછપરછ કરી. પહેલા તો તેમણે જાત જાતની વાર્તા ઘડી પરંતુ બાદમાં સત્ય કબૂલ કરી  લીધુ. તેમણે જણાવ્યું કે પાસપોર્ટના પાના તેમણે જાતે જ ફાડ્યા છે. તેમણે સ્વીકાર્યું કે પત્નીથી બેંગકોકની ટ્રિપની વિગતો છૂપાવવા માટે આ બધુ કર્યું. પોલીસે વી કે ભાલેરાવની ધરપકડ કરી છે. 

પાસપોર્ટ એક્ટ 1967
પાસપોર્ટ એક્ટ 1967 હેઠળ પાસપોર્ટમાં ફેરફાર કરવો, પાના ફાડવા કે જાણી જોઈને તેને ખરાબ કરવો એક ગંભીર ગુનો છે. નિયમ તોડવામાં આવે તો 2 વર્ષની જેલ, 5000 રૂપિયાનો દંડ કે બંને થઈ સજા થઈ શકે છે.