PoK પહેલા પાકિસ્તાનના આ શહેર પર થશે ભારતની સ્ટ્રાઈક, મળી રહ્યા છે 3 મોટા સંકેત

India Pakistan War News: ભારત અને પાકિસ્તાન વચ્ચે વધતા તણાવ વચ્ચે હવે સૌથી મોટો સવાલ એ છે કે, જો ભારત બદલો લેશે, તો પહેલું નિશાન કોણ હશે? તાજેતરના ઘટનાક્રમો અને ગુપ્તચર એજન્સીઓના ઇનપુટ્સને જોતાં એવા સંકેતો મળી રહ્યા છે કે ભારતની પહેલી કાર્યવાહી પાકિસ્તાન અધિકૃત કાશ્મીર (POK)માં નહીં પરંતુ પંજાબ પ્રાંતના મુરિદકે શહેરમાં થઈ શકે છે.

આ એ જ જગ્યા છે જ્યાં લશ્કર-એ-તૈયબાનું મુખ્ય મથક છે અને જ્યાંથી છેલ્લા બે દાયકામાં સેંકડો આતંકવાદી હુમલાઓની પટકથા લખાઈ છે. મુરીદકે લાહોર નજીક આવેલું છે અને અહીં લશ્કર-એ-તૈયબાનું મુખ્ય મથક 'જમાત-ઉદ-દાવા' ના નામથી કાર્યરત છે. અહીં માત્ર આતંકવાદી તાલીમ જ નથી મળતી, પરંતુ ભારત વિરુદ્ધ મોટા હુમલાઓનું પણ આયોજન અહીં કરવામાં આવે છે.

Add Zee News as a Preferred Source

ટાર્ગેટ પર શું છે પાકિસ્તાનનું આ શહેર?
ગુપ્તચર અહેવાલો અનુસાર અહીંથી જ 26/11, પઠાણકોટ અને તાજેતરના પહેલગામ હુમલા જેવા આતંકવાદી હુમલાઓની રણનીતિ ઘડવામાં આવી હતી. એવું માનવામાં આવે છે કે લશ્કરના ટોચના નેતાઓ હાફિઝ સઈદ, સૈફુલ્લાહ, હાશિમ મુસા અને પાકિસ્તાની સેનાના અધિકારીઓ નિયમિતપણે અહીં આવે છે. એનો અર્થ એ થયો કે આ જગ્યા લશ્કરની કાર્યકારી કરોડરજ્જુ છે. આવી સ્થિતિમાં આતંકવાદીઓને પાઠ ભણાવવા માટે આનાથી સારું લક્ષ્ય બીજું કોઈ ન હોઈ શકે.

NIAના ઇનપુટથી વધી ભારતની શંકા 
NIA તપાસમાં ખુલાસો થયો છે કે 22 એપ્રિલે પહેલગામમાં થયેલા આતંકવાદી હુમલાનું આયોજન 2 ફેબ્રુઆરીએ રાવલકોટ (PoK) માં યોજાયેલી એક બેઠકમાં કરવામાં આવ્યું હતું. તેમાં લશ્કર, જૈશ અને હમાસના ઘણા આતંકવાદીઓ હાજર હતા. આ પછી માર્ચમાં મુરિદકે મુખ્યાલયમાં બીજી બેઠક યોજાઈ હતી, જેમાં સૈફુલ્લાહ, ISI અધિકારીઓ અને પાકિસ્તાન સેનાના પ્રતિનિધિઓએ હાજરી આપી હતી. અહીં જ હાશિમ મુસા અને તલાહ ભાઈને હુમલાની જવાબદારી સોંપવામાં આવી હતી. આનાથી સ્પષ્ટ થાય છે કે મુરિદકે હુમલાઓનું સૌથી મહત્વપૂર્ણ આયોજન સ્થળ છે.

અમેરિકાની 'લાદેન મોડેલ' સલાહ
અમેરિકાના ઉપપ્રમુખ જેડી વાન્સે એક નિવેદનમાં જણાવ્યું હતું કે ભારતે પાકિસ્તાન સાથે ખુલ્લું યુદ્ધ ન કરવું જોઈએ પરંતુ લાદેનની જેમ તેમના ઘરોમાં રહેલા આતંકવાદીઓને ખતમ કરવા જોઈએ. જો આ નિવેદનને વ્યૂહાત્મક રીતે જોવામાં આવે તો તે એક સંકેત છે કે અમેરિકા પણ ઇચ્છે છે કે ભારત આતંકવાદીઓના ગઢ પર સીધો હુમલો કરે અને સમગ્ર પાકિસ્તાન સામે યુદ્ધ ન કરે. આ જ કારણ છે કે મુરિદકે જેવા લક્ષ્યો હવે ભારતની યાદીમાં ઉપર જઈ રહ્યા હોય તેવું લાગે છે.

પીએમનું 'તમને ધૂળમાં ફેરવી દઈશ'નું નિવેદન
બિહારમાં એક રેલી દરમિયાન પીએમ નરેન્દ્ર મોદીએ સ્પષ્ટપણે કહ્યું હતું કે 'આતંકવાદીઓ જ્યાં પણ હશે, તેમનો નાશ કરવામાં આવશે.' જો આપણે આ નિવેદનને ડીકોડ કરીએ તો સ્પષ્ટ થાય છે કે ભારત સરહદ પારના નાના લોન્ચ પેડ્સને જ નહીં, પરંતુ આતંકવાદી નેટવર્કના સૌથી મોટા સ્ત્રોતને પણ નિશાન બનાવવાની તૈયારી કરી રહ્યું છે. એટલે કે આ વખતે કાર્યવાહી 'સર્જિકલ' નહીં હોય પણ 'સિસ્ટમેટિક ડેમેજ' પહોંચાડશે.

તો શું મુરિદકે પર આફત આવશે?
આ બધા સંકેતો પરથી સ્પષ્ટ થાય છે કે જો ભારત બદલો લે છે, તો પહેલું અને સૌથી મોટું લક્ષ્ય લશ્કર-એ-તૈયબાનું મુખ્ય મથક મુરીદકે હોઈ શકે છે. આ હુમલો માત્ર લશ્કરી કાર્યવાહી જ નહીં પરંતુ ભારતની નીતિનો પણ એક ભાગ હશે જેમાં કહેવામાં આવ્યું છે કે આતંકવાદને સમર્થન આપનારાઓને બક્ષવામાં આવશે નહીં. પીઓકેમાં બંકરો અને મદરેસા ખાલી કરાવ્યા પછી, પાકિસ્તાનની નજર હવે તેના પોતાના પંજાબ પ્રાંત પર છે, જ્યાં ભારતનો આગામી હુમલો ગમે ત્યારે થઈ શકે છે.