Jagdeep Dhankhar Resignation: ઉપરાષ્ટ્રપતિ જગદીપ ધનખડે કેવી રીતે રાજીનામું આપ્યું, 10 કલાકની કહાની, સમજો ટાઈમલાઈન

Jagdeep Dhankhar News: ઉપરાષ્ટ્રપતિ જગદીપ ધનખડે સોમવારે પોતાના પદથી રાજીનામું આપવાની જાહેરાત કરી બધાને ચોંકાવી દીધા હતા. ધનખડે આ ચોંકાવનારા નિર્ણય પાછળ પોતાના ખરાબ સ્વાસ્થ્યનો હવાલો આપ્યો છે. પરંતુ શું વાત માત્ર આટલી છે! સંસદના ચોમાસું સત્રના પ્રથમ દિવસની કાર્યવાહી સવારે 11 કલાકે શરૂ થઈ તો સભાપતિ ધનખડ ગૃહમાં આવ્યા હતા. રાત્રે 9.25 કલાકે ઉપ-રાષ્ટ્રપતિની ઓફિસ તરફથી સોશિયલ મીડિયા પ્લેટફોર્મ X પર તેમના રાજીનામાના સમાચાર આપવામાં આવ્યા હતા. આખરે આ 10 કલાકમાં તેવું શું બન્યું કે ધનખડે રાજીનામાની જાહેરાત કરી.. જાણો સમગ્ર ટાઈમલાઈન...

કંઈક આ પ્રકારનો રહ્યો ઘટનાક્રમ (તારીખ 21 જુલાઈ, સોમવાર)
11.00 કલાકે: રાજ્યસભાની કાર્યવાહી શરૂ થઈ. સભાપતિ ધનખડ ગૃહમાં પહોંચ્યા

11.16 કલાકે : જગદીપ ધનખડે રાજ્યસભામાં વિપક્ષના નેતા મલ્લિકાર્જુન ખડગેને તેમના જન્મદિવસની શુભેચ્છા પાઠવી. ગૃહમાં રાજ્યસભાના મૃતક સાંસદોને શ્રદ્ધાંજલિ આપવામાં આવી. પહેલગામ હુમલાની નિંદા કરવામાં આવી અને માર્યા ગયેલા લોકોને શ્રદ્ધાંજલિ આપવામાં આવી.

બપોરે12.30 વાગ્યે: ઉપરાષ્ટ્રપતિએ રાજ્યસભાના પાંચ નવા નામાંકિત સાંસદોને ઉપલા ગૃહના સભ્યપદના શપથ લેવડાવ્યા. આ સાંસદોમાં બિરેન્દ્ર પ્રસાદ વૈશ્ય, કણદ પુરકાયસ્થ, મીનાક્ષી જૈન, સદાનંદન માસ્ટર અને ભૂતપૂર્વ વિદેશ સચિવ હર્ષવર્ધન શ્રૃંગલાનો સમાવેશ થાય છે.

4.07 વાગ્યે: અધ્યક્ષે માહિતી આપી
રાજ્યસભાના અધ્યક્ષ જગદીપ ધનખડે લગભગ 4:07 વાગ્યે મહાભિયોગ પ્રસ્તાવ પર 63 વિપક્ષી સાંસદો તરફથી નોટિસ મળવાની સંપૂર્ણ માહિતી આપી. તેમણે આવા પ્રસ્તાવ પર બંને ગૃહોમાં નોટિસ આપવા સંબંધિત નિયમોનો ઉલ્લેખ કર્યો.

આ પણ વાંચોઃ 1994 હતું ધનખડના જીવનનું સૌથી ખરાબ વર્ષ, એવું દુખ સહન કર્યું કે આજ સુધી શાંતિ ન મળી

4.30 કલાકઃ બેઠકમાં ન પહોંચ્યા નડ્ડા-રિજિજૂ
ઉપ રાષ્ટ્રપતિ જગદીપ ધનખડે સોમવારે સાંજે 4.60 કલાકે કાર્ય સલાહકાર સમિતીની બેઠક યોજી, જેમાં કેન્દ્રીય મંત્રી જેપી નડ્ડા અને સંસદીય કાર્ય મંત્રી કિરણ રિજિજૂ ન પહોંચ્યા.

5.00 કલાકઃ વિપક્ષી સાંસદો ધનખડને મળ્યા
સોમવારે સાંજે આશરે 5 કલાક આસપાસ કોંગ્રેસ સાંસદ જયરામ રમેશ, પ્રમોદ તિવારી અને અખિલેશ પ્રતાપ સિંહે ધનખડ સાથે મુલાકાત કરી. કોંગ્રેસના વરિષ્ઠ નેતા અને મુખ્ય દંડક જયરામ રમેશે સાંજે 7:30 વાગ્યે ધનખડ સાથે ફોન પર વાતચીત કરી.

રાત્રે 9.05 વાગ્યે: ધનખડનું રાજીનામું
જગદીપ ધનખડે ઉપરાષ્ટ્રપતિ પદ પરથી રાજીનામું આપ્યું. થોડા સમય પછી ઉપરાષ્ટ્રપતિ કાર્યાલય તરફથી એક ટ્વિટ પણ આવ્યું, જેમાં રાજીનામાની સંપૂર્ણ વિગતો હતી.

સવારે 10.30 વાગ્યે (22 જુલાઈ): જગદીપ ધનખડના પરિવાર તરફથી માહિતી મળી કે તેઓ આજે રાજ્યસભામાં નહીં આવે. સ્વાસ્થ્યના કારણોસર તેમણે રાજીનામું આપ્યું હોવાની પુષ્ટિ કરવામાં આવી હતી. એવું પણ કહેવામાં આવ્યું હતું કે કોઈ વિદાય સમારંભ નહીં હોય.

10.15 કલાક (22 જુલાઈ) સંસદમાં વરિષ્ઠ કેન્દ્રીય મંત્રીઓની બેઠક યોજાઈ. જગદીપ ધનખડના રાજીનામા અને ઓપરેશન સિંદૂર પર ચર્ચા પર સહમતિ વચ્ચે આ મહત્વપૂર્ણ બેઠક યોજાઈ હતી.

12.07 કલાક (22 જુલાઈ) રાષ્ટ્રપતિ દ્રૌપદી મુર્મૂએ ઉપ રાષ્ટ્રપતિ પદ પરથી જગદીપ ધનખડનું રાજીનામું સ્વીકાર્યું હતું.

12.19 કલાક (22 જુલાઈ) જગદીપ ધનખડના રાજીનામા પર પ્રધાનમંત્રી નરેન્દ્ર મોદીની પોસ્ટ આપી. તેમણે કહ્યું- જગદીપ ધનખડને ભારતના ઉપરાષ્ટ્રપતિ સહિત ઘણી ભૂમિકામાં દેશની સેવા કરવાની તક મળી છે.