કેન્દ્ર સરકાર સામે મોટો પડકાર! સ્ટાલિનના સમર્થનમાં આવ્યા કેરળના CM વિજયન

Pinarayi Vijayan extends support to MK Stalin: કેરળના સીએમ પિનરાઈ વિજયને (BJP)ની કેન્દ્ર સરકાર દ્વારા "સંસદીય વિસ્તારના સીમાંકનની એકપક્ષીય પ્રયાસ"ની સામેડીએમકે (DMK) સુપ્રીમો અને તમિલનાડુના સીએમ એમકે સ્ટાલિનને ચેન્નાઈમાં આયોજિત સંમેલનને લઈ શુક્રવારે પોતાનું સમર્થન વ્યક્ત કર્યું.

સ્ટાલિનને વિજયનનો સપોર્ટ
CPMના વરિષ્ઠ નેતા પિનરાઈ વિજયને “કોન્સ્ટિટ્યુઅન્સી સીમાંકન: એકપક્ષીય પગલાની સામે એકતા” શીર્ષકવાળા નિવેદન દ્વારા તેમનું સમર્થન વ્યક્ત કર્યું. તમિલનાડુના આઈટી મંત્રી પલાનીવેલ થિયાગા રાજન અને સાંસદ ડો. તમિઝાચી થંગાપાંડિયન તેમને મળ્યા અને 22 માર્ચે કોન્ફરન્સ માટે આમંત્રણ આપ્યા બાદ આ નિવેદન આપવામાં આવ્યું હતું.

Add Zee News as a Preferred Source

કેન્દ્ર પર પક્ષપાતનો આરોપ
નિવેદનમાં કહેવામાં આવ્યું છે કે, "કેન્દ્ર સરકાર લોકશાહી અને ફેડરલિજ્મના મૂલ્યોની અવગણના કરીને લોકસભા મતવિસ્તારોને ફરીથી સીમાંકન કરવામાં લાગી છે, એટલા માટે તમિલનાડુના મુખ્યમંત્રીએ કેરળના મુખ્યમંત્રીને ચેન્નાઈમાં આયોજિત સર્વપક્ષીય એકતા સંમેલનમાં આમંત્રણ આપ્યું છે. મુખ્યમંત્રીએ આ મહિનાની 22મી તારીખે ચેન્નાઈમાં યોજાયેલી કોન્ફરન્સ અને આ મુદ્દે લેવામાં આવેલા સ્ટેન્ડ પ્રત્યે એકતા વ્યક્ત કરી છે."

અમિત શાહે આપ્યો ભરોસો
જો કે, નિવેદનમાં સ્પષ્ટપણે કહેવામાં આવ્યું નથી કે, પિનરાઈ વિજયન કોન્ફરન્સમાં ભાગ લેશે કે નહીં. તમિલનાડુના પ્રતિનિધિઓએ એમકે સ્ટાલિનની આત્મકથા પણ કેરળના સીએમને ભેટ તરીકે આપી હતી. કેન્દ્રીય ગૃહ મંત્રી અમિત શાહે દક્ષિણના રાજ્યોને ખાતરી આપી છે કે, તેઓ મતદારક્ષેત્રના સીમાંકન પછી "એક પણ બેઠક" ગુમાવશે નહીં. એમકે સ્ટાલિને સંસદીય મતવિસ્તારના પ્રસ્તાવિત સીમાંકન અંગે ચર્ચા કરવા માટે 22 માર્ચે એક બેઠક બોલાવી છે.