 "એલ્વિશ યાદવના ઘરે 20થી વધુ રાઉન્ડ ફાયરિંગ, બાઇક સવાર બદમાશોએ ચલાવી ગોળીઓ")
)
Firing at Elvish Yadav house: દિલ્હીને અડીને આવેલા હરિયાણાના ગુરુગ્રામમાં સોશિયલ મીડિયા ઇન્ફ્લુએન્સર અને યુટ્યુબર એલ્વિશના ઘર પર અજાણ્યા બદમાશોએ ફાયરિંગ કર્યું હોવાની માહિતી મળી છે. રવિવારે સવારે 5:30 વાગ્યે, ગુરુગ્રામ સેક્ટર 57માં એલ્વિશના ઘરે બાઇક પર સવાર 3 માસ્ક પહેરેલા બદમાશો દ્વારા 20 થી વધુ રાઉન્ડ ફાયરિંગ કરવામાં આવ્યું હતું. આ પછી, બદમાશો ઘટનાસ્થળેથી ભાગી ગયા હતા. ફાયરિંગ સમયે એલ્વિશ ઘરે ન હતો.
ઉચ્ચ અધિકારીઓ ઘટનાસ્થળે પહોંચી ગયા
આ ઘટનાથી સમગ્ર વિસ્તારમાં સનસનાટી મચી ગઈ હતી. એલ્વિશના ઘરની બાલ્કનીની બહાર ગોળીઓના નિશાન સ્પષ્ટ જોઈ શકાય છે. એલ્વિશના ઘરે ગોળીબારની માહિતી મળતા જ પોલીસ અને ક્રાઈમ બ્રાન્ચની ટીમો સાથે તમામ ઉચ્ચ અધિકારીઓ ઘટનાસ્થળે પહોંચી ગયા હતા. પોલીસ આ મામલાની તપાસ કરી રહી છે. પોલીસ હુમલાખોરોને ઓળખવા માટે સ્થળ પર અને નજીકમાં લગાવેલા સીસીટીવી કેમેરાના ફૂટેજ પણ સ્કેન કરી રહી છે.
ફાયરિંગ સમયે એલ્વિશ યાદવ ઘરે નહોતા
ગુરુગ્રામ પોલીસના પીઆરઓ સંદીપ કુમારે જણાવ્યું હતું કે, ગુરુગ્રામના સેક્ટર 57માં સ્થિત યુટ્યુબર અને બિગ બોસ ઓટીટી વિજેતા એલ્વિશ યાદવના ઘરની બહાર ત્રણ માસ્ક પહેરેલા બદમાશોએ ગોળીબાર કર્યો હતો. આ ઘટના સવારે 5:30 વાગ્યાની આસપાસ બની હતી. એક ડઝનથી વધુ રાઉન્ડ ફાયરિંગ કરવામાં આવ્યું હતું. ફાયરિંગ સમયે એલ્વિશ યાદવ તેના ઘરે નહોતા.
