 "હવે તમારી ગાડી પણ હશે Aadhar સાથે લિંક; નહીં તો ચલાવવી પડશે ભારે, જાણો ઓનલાઇન પ્રોસેસની રીત")
)
MoRTH New Update: ડ્રાઇવિંગ લાઇસન્સ ધારકો અને રજિસ્ટર્ડ વાહન માલિકો માટે એક મેસેજ મોકલવામાં આવી રહ્યો છે. આ મેસેજમાં લોકોને સારથી પોર્ટલ પર તેમના મોબાઇલ નંબર અપડેટ કરાવવા વિનંતી કરવામાં આવી રહી છે. એટલે કે, આ માટે RTO જવાની જરૂર નથી. મોબાઇલ નંબર અપડેટ કરવા માટે ઓનલાઈન સેવા શરૂ કરવામાં આવી છે. આ માટે તમે MoRTH parivahan.gov.in પોર્ટલ પર જઈ શકો છો. જ્યાં બે લિંક આપવામાં આવશે. તમે બધી માહિતી સ્ટેપ બાય સ્ટેપ ભરીને પ્રક્રિયા પૂર્ણ કરી શકો છો.
યૂઝર્સને કયા મળી રહ્યા છે મેસેજ?
યૂઝર્સને ફોન પર મેસેજ મળી રહ્યા છે, જેમાં લખ્યું છે કે બધા વાહન માલિકોને આધાર પ્રમાણીકરણ પ્રક્રિયા દ્વારા તેમના નોંધાયેલા વાહનો માટે મોબાઇલ નંબર ઉમેરવા, અપડેટ કરવા અને ચકાસવા વિનંતી કરવામાં આવે છે. આ માટે તેમને parivahan.gov.in ની મુલાકાત લેવા વિનંતી કરવામાં આવી છે. તેને ખોલ્યા પછી એક નવું પેજ ખુલશે. તેમાં 'વાહન' અને 'સારથી' નામના બે QR કોડ છે.
કેવી રીતે કરવું અપડેટ
અપડેટ કરવા માટે પહેલા તમારે parivahan.gov.in પર જવું પડશે. આધાર દ્વારા મોબાઇલ નંબર અપડેટ પસંદ કરો. આ પછી વાહન રજિસ્ટ્રેશન નંબર દાખલ કરો, પછી ચેસિસ નંબર અને એન્જિન નંબર દાખલ કરો. રજિસ્ટ્રેશનની તારીખ અને રજિસ્ટ્રેશનની વેલિડિટી ક્યાં સુધીની છે, તે પણ ભરવાની રહેશે. આ પછી વેરિફિકેશન કોડ દાખલ કરીને પ્રક્રિયા પૂર્ણ કરો.
સારથી પોર્ટલ પર કેવી રીતે કરવું અપડેટ
તેની નીચે વેલિડેટ, રીસેટ અને એપ્લિકેશન સ્ટેટસનો વિકલ્પ પણ મળશે. તેનો બીજો વિકલ્પ 'સારથી' આપવામાં આવ્યો છે. તેને સ્કેન કરતાની સાથે જ એક પેજ ખુલશે. આમાં પણ વાહન સંબંધિત માહિતી ભરવાની રહેશે. સૌ પ્રથમ DL નંબર પૂછવામાં આવશે, ત્યારબાદ, જન્મ તારીખ, રાજ્ય અને કેપ્ચા ભરવા પડશે અને સબમિટ કરવા પડશે.
