 "Pahalgam Attack Video: પહેલગામ આતંકી હુમલાનો નવો Video આવ્યો સામે, જંગલમાંથી આવ્યા અને મચાવી દીધી કત્લેઆમ")
)
જમ્મુ અને કાશ્મીરના પહેલગામમાં થયેલા આતંકી હુમલાનો એક નવો વીડિયો સામે આવ્યો છે. આ વીડિયોમાં આતંકી ગોળી મારતા જોવા મળી રહ્યો છે. ગોળી વાગતા જ સફેદ શર્ટવાળો વ્યક્તિ જમીન પર પડે છે અને ચીસાચીસ થવા લાગે છે. આ વીડિયો 22 એપ્રિલનો છે.
આતંકી હુમલાના આ વીડિયોમાં આતંકીએ પહેલા એક પર્યટકને ગોળી મારી અને ત્યારબાદ મેદાનમાં ગોળીઓનો અવાજ ગૂંજે છે. આતંકી ફાયરિંગ કરવા લાગે છે. આ આતંકીઓ જંગલ તરફથી આવે છે અને કત્લેઆમ મચાવવા લાગે છે.
ફાયરિંગ થતા જ મેદાનમાં ભાગદોડ મચી જાય છે અને લોકો બચવા માટે છૂપાવા લાગે છે. આતંકીઓ વીણી વીણીને પર્યટકોને ટાર્ગેટ કરીને મોતને ઘાટ ઉતારે છે. ઘટનાસ્થળે હજુ પણ ટિફિન અને ખાવાનો સામાન વિખેરાયેલો જોવા મળે છે.
पहलगाम हमले का नया वीडियो सामने आया, जहां पहली गोली चली वहां का वीडियो आया, गोली मारते दिख रहा आतंकी #PahalgamTerrorAttack #PahalgamVideo | #ZeeNews @hardikdavelive @_poojaLive pic.twitter.com/CkwIcOnWlY
— Zee News (@ZeeNews) April 26, 2025
26 પર્યટકોના મોત
22 એપ્રિલના રોજ પહેલગામના બેસરન ઘાટીમાં થયેલા આતંકી હુમલામાં 26 પ્રવાસીઓના મોત થયા હતા. 17 લોકો ઘાયલ થયા. આતંકીઓ વિરુદ્ધ હાલ ભારતીય સેનાએ સર્ચ ઓપરેશન તેજ કર્યું છે અને જંગલોમાં શોધ ચાલી રહી છે. આ બધા વચ્ચે આતંકીઓના ઠેકાણા ઉડાવવાની કાર્યવાહી પણ ચાલુ છે.
#BREAKING: पहलगाम हमले का नया वीडियो, जान बचाते दिख रहे पर्यटक#PahalgamTerroristAttack #Pahalgam #JammuKashmir | @Chandans_live pic.twitter.com/osWe4ewKfL
— Zee News (@ZeeNews) April 26, 2025
આતંકીઓના ઠેકાણા ટાર્ગેટ પર
ભારતીય સેના એક પછી એક આતંકીઓના ઠેકાણા શોધીને તબાહ કરી રહી છે. પહેલગામ હુમલાનો બદલો લેવા માટે કડક કાર્યવાહી થઈ રહી છે. શનિવારે સવારે વધુ બે આતંકીઓના ઠેકાણા ઉડાવી દેવાયા. ભારતીય સેનાએ લશ્કરના આતંકી એહસાન અહેમદ શેખના બે માળના ઘરને આઈઈડીનો ઉપયોગ કરીને ઉડાવી દીધુ છે. આ મુર્રાન પુલવામાનો રહીશ છે. કુલગામમાં પણ આતંકીનું ઘર ધ્વસ્ત કરાયું.
