India France Rafale jets deal: ભારતના પહેલગામમાં થયેલા આતંકી હુમલા બાદ ભારત સરકાર એક પછી એક જે રીતે નિર્ણયો લઈ રહી છે તેના કારણે પાકિસ્તાન ભયભીત છે. હવે એક નવી ચિંતા પણ પાકિસ્તાનને ચોક્કસ સતાવશે. ભારતના નવા સૈન્ય એલાનથી પાકિસ્તાનમાં હલચલ તેજ થઈ છે.
)
Rafale M Fighter Jet Deal: ભારત અને ફ્રાન્સ વચ્ચે સોમવારે 26 રાફેલ એમ ફાઈટર વિમાનોની 63 હજાર કરોડની ડીલ પર મહોર લાગશે. પહેલગામ આતંકી હુમલા બાદ ભારતની સૈન્ય તૈયારીઓથી ગભરાયેલા પાકિસ્તાન માટે આ નવું ટેન્શન હશે. આ રાફેલ હિન્દ મહાસાગરમાં ભારતીય નેવીની તાકાત વધારશે. જ્યારે અરબ સાગરમાં પાકિસ્તાની નેવી માટે નવી મુસીબત ઊભી થશે.
એવું કહેવાય છે કે આ ફાઈટર વિમાનોની પહેલી ખેપ સાડા ત્રણ વર્ષમાં મળવાની શરૂ થઈ જશે અને સાડા છ વર્ષમાં પૂરી થશે. ડીલ હેઠળ 22 સિંગલ સીટર જેટ ખરીદવામાં આવશે. આ સાથે જ ચાર બે સીટવાળા ટ્રેઈનર જેટ પણ ખરીદાશે. આ રાફેલ એમ ફાઈટર જેટ વિમાનવાહક જહાજથી ઉડાણ ભરવામાં અને ઉતરવામાં સક્ષમ રહેશે. તેનાથી નેવીની તાકાત વધશે. ભારતીય વાયુસેના પહેલેથી જ 36 રાફેલ ફાઈટર 60 હજાર કરોડ રૂપિયામાં ખરીદી ચૂકી છે.
ફાયદાવાળી ડીલ
ફ્રાન્સ આ ડીલ હેઠળ હથિયારો, સિમ્યુલેટર, પાઈલોટ-સ્ટાફ ટ્રેનિંગ, સમારકામ માટે પાંચ વર્ષની સેવા પણ આપશે. આ ડીલ હેટળ વાયુસેનાના 36 રાફેલના પાર્ટ્સ અને તેમના સમારકામની જવાબદારી પણ દસોલ્ટ ઉઠાવશે. પીએમ મોદીના નેતૃત્વમાં 9 એપ્રિલના રોજ સુરક્ષા મામલાઓની કેબિનેટમાં આ ડીલને મંજૂરી અપાઈ હતી. એરફોર્સના રાફેલની બે સ્ક્વોડ્રન હાલ અંબાલા અને હાશીમારા એરબેસ પર તૈનાત છે. નવા ફાઈટર જેટ ડીલથી ભારતમાં રાફેલની તાકાત 62 સુધી પહોંચી જશે.
દસોલ્ટ કંપનીએ બોઈંગને પછાડી
દસોલ્ટ એવિએશનના રાફેલ એમ (Dassault Aviation Rafale-M) અને અમેરિકી બોઈંગ કંપનીના હાર્નેટ ( F/A-18 Super Hornet) વચ્ચે આ ડીલ મેળવવાની હોડ હતી. બંનેના ફાઈટર જેટે ભારતીય વિમાનવાહક જહાજથી સંચાલનની પોતાની તાકાત દેખાડી હતી. નેવીના અધિકારીઓએ રાફેલ એમને વિમાનવાહક જહાજ માટે વધુ અનુકૂળ ગણાવ્યું. તેનાથી હિન્દ મહાસાગરમાં ભારત ચીન અને અન્ય દેશોના પડકારોને વધુ સારી રીતે ઝલી શકશે.
જહાજ પર તૈનાતી
નેવી પાસે હાલ બે વિમાનવાહક જહાજ આઈએનએસ વિક્રામાદિત્ય અને આઈએનએસ વિક્રાંત છે. આઈએનએસ વિક્રાંતે સપ્ટેમ્બર 2022માં સેવાઓ આપવાની શરૂ કરી હતી. રાફેલ-એમ ભારતના સ્વદેશી બે એન્જિનવાળા આવા જ ફાઈટર જેટના વિકાસ થવા સુધીમાં નેવીની જરૂરિયાતોને પૂરી કરશે. ભારતીય વિમાનવાહક જહાજ સ્કી જંપથી લેસ છે જે આવા એરક્રાફ્ટનું સંચાલન કરી શકે છે. રશિયાના મિગ-29ના જેટ વિમાન પણ આવા જ ઉડાણ ભરવામાં અને લેન્ડ કરવાની ક્ષમતાથી લેસ હતા. આવામાં રાફેલને વધુ યોગ્ય ગણવામાં આવ્યા.
સાડા ત્રણ વર્ષમાં ડીલ
અધિકૃત સૂત્રોનું કહેવું છે કે ફાઈટર જેટની આ આપૂર્તિ સાડા ત્રણ વર્ષમાં પૂરી થશે. સૂત્રોનું કહેવું છે કે પહેલા ફ્રેન્ચ રક્ષામંત્રી સેબેસ્ટિયન લેકોર્નૂ ભારત આવવાના હતા પરંતુ છેલ્લી ઘડીએ તેમનો પ્રવાસ ટળ્યો. જો કે તેમણે કરાર પર હસ્તાક્ષર કરી દીધા છે. સૂત્રોનું કહેવું છે કે સરકાર ટુ સરકાર વચ્ચે થઈ રહેલી આ ખરીદી પર રક્ષામંત્રી રાજનાથ સિંહ સહી કરશે. ફ્રેન્ચ રાજદૂત થિએરી મથોઈ અને ભારતીય રક્ષા સચિવ રાજેશ સિંહ આ અવસરે હાજર રહેશે.
