સિંધુ જળ સમજુતી સ્થગિત, પાક હાઈ કમીશન અને અટારી-વાઘા બોર્ડર બંધ, ભારતની મોટી કાર્યવાહી

Pahalgam Terror Attack: જમ્મુ અને કાશ્મીરના પહેલગામમાં થયેલા ભયાનક આતંકવાદી હુમલા બાદ ભારતે પાકિસ્તાન સામે કડક કાર્યવાહી કરી છે. ભારતમાં દુશ્મન દેશના દૂતાવાસ બંધ કરવામાં આવશે અને બધા રાજદ્વારીઓને દેશ છોડવા માટે ફક્ત 48 કલાકનો સમય આપવામાં આવશે. આ ઉપરાંત સિંધુ જળ સંધિને સમાપ્ત કરવાની પણ જાહેરાત કરવામાં આવી છે, જેના કારણે પાકિસ્તાનમાં પાણીનું સંકટ સર્જાઈ શકે છે. આ કરાર બન્ને દેશો વચ્ચે 1960થી અમલમાં છે. એવું માનવામાં આવે છે કે આ નિર્ણય પાકિસ્તાન માટે મોટો ફટકો હશે અને પાણીના સંકટને કારણે તે ઘૂંટણિયે પડી શકે છે. ભારતે પણ પાકિસ્તાનમાં પોતાનું દૂતાવાસ બંધ કરવાનો નિર્ણય લીધો છે અને રાજદ્વારીઓ અને અન્ય કર્મચારીઓને તાત્કાલિક અસરથી પાછા ફરવાનું કહેવામાં આવ્યું છે.

બધા પાકિસ્તાનીઓના વિઝા રદ કરવામાં આવ્યા છે અને હાલમાં જે લોકો ભારત આવ્યા છે તેમને ભારત છોડવું પડશે. ભારત સરકારે ગુરુવારે સર્વપક્ષીય બેઠક બોલાવી છે અને તેમાં કેટલાક વધુ કડક નિર્ણયો પર ચર્ચા થઈ શકે છે. પાકિસ્તાન અને ભારત વચ્ચે અવરજવર માટે ઉપયોગમાં લેવાતી અટારી સરહદ તાત્કાલિક અસરથી બંધ કરવાનો પણ નિર્ણય લેવામાં આવ્યો છે. છેલ્લા 10 વર્ષમાં ભારત સરકારે પાકિસ્તાનની આતંકવાદી પ્રવૃત્તિઓના જવાબમાં હવાઈ હુમલા અને સર્જિકલ સ્ટ્રાઈક કરી છે. આવી સ્થિતિમાં, જ્યારે પાકિસ્તાન પ્રેરિત આતંકવાદીઓએ પહેલગામમાં 26 નિર્દોષ પ્રવાસીઓની હત્યા કરી, ત્યારે સરકાર પાસેથી કડક કાર્યવાહીની અપેક્ષા રાખવામાં આવી હતી. આ દિશામાં આગળ વધીને, મોદી સરકારે કઠોર નિર્ણયો લીધા છે.

दिल्ली: विदेश सचिव विक्रम मिस्री ने कहा, "इस आतंकवादी हमले की गंभीरता को समझते हुए, सुरक्षा मामलों की कैबिनेट समिति (CCS) ने निम्नलिखित उपायों पर निर्णय लिया- 1960 की सिंधु जल संधि को तत्काल प्रभाव से स्थगित रखा जाएगा, जब तक कि पाकिस्तान विश्वसनीय और अपरिवर्तनीय रूप से सीमा पार… pic.twitter.com/bAt3A2BcpI

— ANI_HindiNews (@AHindinews) April 23, 2025

મંગળવારે થયેલી આ આતંકવાદી ઘટના બાદ ગૃહમંત્રી અમિત શાહ તાત્કાલિક જમ્મુ-કાશ્મીર ગયા હતા અને ઘટનાસ્થળે પણ પહોંચ્યા હતા. આ દરમિયાન નરેન્દ્ર મોદી પણ તેમનો સાઉદી અરેબિયા પ્રવાસ અધવચ્ચે છોડીને ભારત પરત ફર્યા હતા અને આજે કેબિનેટ સુરક્ષા સમિતિની બેઠક યોજાઈ હતી. જેમાં આ મહત્વપૂર્ણ નિર્ણયો લેવામાં આવ્યા હતા. ચાલો જાણીએ, ભારતે પાકિસ્તાન વિરુદ્ધ કયા 5 મોટા નિર્ણયો લીધા છે.

1.  પાકિસ્તાન સાથે 1960ની સિંધુ જળ સંધિ તાત્કાલિક અસરથી રદ કરવામાં આવશે. આ પ્રતિબંધ ત્યાં સુધી ચાલુ રહેશે જ્યાં સુધી પાકિસ્તાન આતંકવાદને પ્રોત્સાહન આપવાનું બંધ ન કરે. આ અંગે વિશ્વસનીય પગલાં લેવામાં આવ્યા પછી જ કરાર પર પુનર્વિચાર કરવામાં આવશે.
2. અટારી ચેકપોસ્ટ તાત્કાલિક અસરથી બંધ કરવામાં આવશે. માન્ય દસ્તાવેજો પર પાકિસ્તાન ગયેલા ભારતીયોને પાછા ફરવા માટે 1 મે 2025 સુધીનો સમય મળશે.

3. પાકિસ્તાનના નાગરિકોને SAARC વિઝા યોજના હેઠળ ભારતમાં પ્રવેશવાની મંજૂરી આપવામાં આવશે નહીં. અત્યાર સુધી પાકિસ્તાનીઓને આપવામાં આવેલા તમામ વિઝા રદ કરવામાં આવશે. ભારતમાં હાજર કોઈપણ પાકિસ્તાનીને 48 કલાકની અંદર દેશ છોડવો પડશે.

4. દિલ્હીમાં પાકિસ્તાન દૂતાવાસમાં હાજર સેના, નૌકાદળ અને વાયુસેના સલાહકારોએ ત્યાંથી જવું પડશે. આ ઉપરાંત ભારત ઇસ્લામાબાદ સ્થિત તેના હાઇ કમિશનના અધિકારીઓને પણ બોલાવશે.

5. નવી દિલ્હી સ્થિત પાકિસ્તાન દૂતાવાસમાં સ્ટાફની સંખ્યા હવે ઘટાડવામાં આવશે. અત્યાર સુધી 55 સ્ટાફ હતો, જે ઘટાડીને 30 કરવામાં આવશે. આ ઉપરાંત ભારત પાકિસ્તાનથી પણ તેના પ્રતિનિધિઓને પાછા બોલાવશે અને આ સંખ્યા ફક્ત 30 જ રહેશે.

કેન્દ્ર સરકારે પહેલગામ હુમલા અંગે આવતીકાલે સર્વપક્ષીય બેઠક બોલાવી છે. સૂત્રોના જણાવ્યા અનુસાર, રક્ષા મંત્રી રાજનાથ સિંહ આ બેઠકની અધ્યક્ષતા કરશે.

નોંધનીય છે કે, જમ્મુ કાશ્મીરના પહલગામના બેસરનમાં મંગળવારે મોટો આતંકી હુમલો થયો. આ હુમલામાં 27 લોકોના જીવ ગયા. અનેક ઘાયલો હોસ્પિટલમાં દાખલ છે. આતંકીઓ પર્યટકોને તેમના ધર્મ પૂછીને ગોળી મારી. આ હુમલાથી સમગ્ર દેશમાં આક્રોશ છે. આતંકીઓને પકડવા માટે સર્ચ ઓપરેશન ચાલુ છે. પીએમ મોદી બે દિવસના સાઉદી અરબના પ્રવાસે ગયા હતા. હુમલાના કારણે પ્રવાસ ટૂંકાવીને દેશ પાછા ફર્યા હતા.