 "Indian Railway Fare Hike : 1 જુલાઈ પહેલા ટિકિટ બુક કરી હશે તો શું હવે ચૂકવવું પડશે વધેલું ભાડું ? રેલવેએ આપ્યો જવાબ")
Railway Ticket Fare Hike : 1 જુલાઈથી રેલ ભાડામાં વધારો કરવામાં આવ્યો છે. સ્લીપરથી એસી કોચ સુધીના ભાડામાં આજથી વધારો લાગુ થયો છે. આ વધારો અંતર પ્રમાણે લાગુ પડશે. ત્યારે લોકોના મનમાં એક પ્રશ્ન છે કે જેમણે 1 જુલાઈ પહેલા ટિકિટ બુક કરાવી છે તેમનું શું ? શું તેમણે મુસાફરી દરમિયાન વધારાનું ભાડું ચૂકવવું પડશે ?
શું TTE મુસાફરી દરમિયાન વધારાનું ભાડું વસૂલશે ?
1 જુલાઈથી રેલવે ભાડામાં વધારો થયો છે. જેમણે 1 જુલાઈ પહેલા એટલે કે જૂના દરે ટિકિટ બુક કરાવી છે, તો શું ટિકિટનું વધેલું ભાડું તેમની પાસેથી વસૂલવામાં આવશે તે અંગે મૂંઝવણમાં છે. રેલવે મંત્રાલયે લોકોના આ પ્રશ્નનો જવાબ પણ આપ્યો છે. રેલવેએ પોતાના નોટિફિકેશનમાં સ્પષ્ટતા કરી છે કે જેમણે 1 જુલાઈ પહેલા જૂના ભાડા પર ટિકિટ બુક કરાવી છે, તેમની પાસેથી વધેલું ભાડું વસૂલવામાં આવશે નહીં. એટલે કે, મુસાફરી દરમિયાન TTE તમારી પાસેથી વધારાનો ચાર્જ વસૂલ કરી શકશે નહીં.
1 જુલાઈથી નવું ભાડું
રેલવેએ સ્પષ્ટતા કરી છે કે નવું ભાડું 1 જુલાઈથી લાગુ થશે. તે પહેલાંનું બુકિંગ અને તેનું ભાડું એ જ રહેશે. તેમાં કોઈ ફેરફાર થવાનો નથી. તમને જણાવી દઈએ કે 1 જુલાઈ, 2025થી રેલવેએ ભાડામાં વધારો કર્યો છે. વર્ષ 2020 પછી પહેલી વાર ભાડામાં વધારો કરવામાં આવ્યો છે. 1 જુલાઈથી મહત્તમ ભાડામાં પ્રતિ કિલોમીટર 2 પૈસાનો વધારો કરવામાં આવ્યો છે. જનરલ નોન-એસી સ્લીપર ક્લાસ અને ફર્સ્ટ ક્લાસના ભાડામાં પ્રતિ કિલોમીટર 50 પૈસાનો વધારો થયો છે. તેવી જ રીતે મેલ અને એક્સપ્રેસ નોન-એસી ટ્રેનોના ભાડામાં પ્રતિ કિલોમીટર 1 પૈસાનો વધારો કરવામાં આવ્યો છે. એસી ક્લાસના ભાડામાં પ્રતિ કિલોમીટર 2 પૈસાનો વધારો થયો છે.
જેટલું અંતર વધુ એટલું ભાડું વધુ
રેલવે દ્વારા જારી કરાયેલા નોટિફિકેશન અનુસાર, જનરલ નોન-એસી ટ્રેનોમાં બીજા વર્ગ માટે 500 કિમી સુધીના અંતર માટે ભાડામાં કોઈ વધારો થશે નહીં. 501-1500 કિમીના અંતર માટે ભાડામાં 5 રૂપિયાનો વધારો થશે, 1501-2500 કિમીના અંતર માટે ટિકિટ ભાડામાં 10 રૂપિયાનો વધારો થશે, અને 2501-3000 કિમીના અંતર માટે ભાડામાં 15 રૂપિયાનો વધારો થશે. ફર્સ્ટ ક્લાસ અને સ્લીપર માટે ભાડામાં પ્રતિ કિલોમીટર અડધા પૈસાનો વધારો થશે.
)