Rajasthan Crisis: ગુજરાત પહોંચ્યા ભાજપના ધારાસભ્યો, ગેહલોત સરકાર પર લગાવ્યા ગંભીર આરોપ

પોરબંદરઃ રાજસ્થાનમાં જારી રાજકીટ ઘટનાક્રમ વચ્ચે ભારતીય જનતા પાર્ટી એક ડઝન જેટલા ધારાસભ્યો ગુજરાત પહોંચી ગયા છે. તેમાંથી છ ધારાસભ્યો શનિવારે ચાર્ટર વિમાનથી પોરબંદર પહોંચી ગયા છે. પોરબંદર પહોંચેલા ભાજપના ધારાસભ્ય નિર્મલ કુમાવતે મીડિયા સાથે વાત કરતા કહ્યુ કે, 'રાજસ્થાનમાં ઘણી રાજકીય ગતિવિધિઓ થઈ રહી છે. સીએમ અશોક ગેહલોતની પાસે બહુમત નથી. ગેહલોત સરકાર, ભાજપના ધારાસભ્યોને માનસિક રૂપથી પરેશાન કરી રહી છે. આ પરિસ્થિતિઓમાં અમારા 6 ધારાસભ્યો સોમનાથ મંદિરમાં દર્શન કરવા આવ્યા છે.'

ગુજરાતના પોરબંદર એરપોર્ટની બહાર મીડિયા સાથે વાત કરતા રાજસ્થાન ભાજપના ધારાસભ્ય નિર્મલ કુમાવતે કહ્યુ કે, અમારી સાથે અન્ય ધારાસભ્યો પણ જોડાશે. કુમાવતે આરોપ લગાવતા કહ્યું કે, રાજસ્થાનમાં કોંગ્રેસ સરકાર અમને તેના પક્ષમાં મતદાન કરવા માટે દબાવ બનાવી રહી છે. તેથી અમે આગામી બે દિવસ સુધી અહીં રહીશું. 

Gujarat: 6 BJP MLAs reach Porbandar. MLA Nirmal Kumawat says, "Lots of political activities are happening in Rajasthan. CM Ashok Gehlot doesn't have majority & the govt is mentally harassing BJP MLAs. In these circumstances, 6 of our MLAs have come here to visit Somnath Temple." pic.twitter.com/Peb7YlJEfD

— ANI (@ANI) August 8, 2020

જયપુરથી ચાર્ટર વિમાન દ્વારા પોરબંદર પહોંચ્યા ધારાસભ્યો
આ પહેલા જયપુર એરપોર્ટના અધિકારીઓએ જણાવ્યું કે, છ યાત્રીકોને લઈને એક ચાર્ટર વિમાન શનિવારે ગુજરાતના પોરબંદર માટે રવાના થયું છે. વિમાનમાં ભાજના ધારાસભ્ય નિર્મલ કુમાવત, ગોપીચંદ મીણા, જબ્બાર સિંહ સાંખલા, ધર્મેન્દ્ર મોચી અને ગુરદીપ શાહપીની હોવાની સૂચના છે. તો ભાજપના સૂત્રોએ કહ્યુ કે, બધા ધારાસભ્યો એક રિસોર્ટમાં રોકાશે અને સોમનાથ મંદિરમાં દર્શન કરશે. 

ધારાસભ્ય અશોક લાહોટી બોલ્યા- પોતાના મરજીથી તીર્થક્ષેત્ર પર ગયા છે ધારાસભ્યો
આ ધારાસભ્યોને જયપુર એરપોર્ટ સુધી મુકવા આવેલા ધારાસભ્ય અશોક લાહોટીએ કહ્યુ કે, તે લોકો પોતાની મરજીથી તીર્થક્ષેત્રથી ગયા છે. તેમણે આરોપ લગાવ્યો, પોલીસ અને તંત્ર, ભાજપના કેટલાક ધારાસભ્યોને પરેશાન કરી રહ્યાં છે.. ધારાસભ્યો સ્વચ્છાથી તીર્થક્ષેત્ર ગયા છે. તો ભાજપના પ્રદેશાધ્યક્ષ સતીષ પૂનિયાએ આ વાતની પુષ્ટિ કરતા કહ્યુ કે, બધા ધારાસભ્યોને જાણકારી છે કે જલદી ધારાસભ્ય દળની બેઠક થવાની છે, અને બધા તેમાં સામેલ થશે. 

જુઓ LIVE TV