UP: લોકો ખેલ સમજતા રહ્યા અને અઝગરે મદારીને ભરડામાં લીધો

ખેલ જોઇ રહેલા લોકોને પહેલા લાગ્યું કે મદારી ખેલ કરી રહ્યો છે જો કે બાદમાં તે બેહોશ થઇને જમીન પર પડી ગયો હતો

Updated By: Mar 22, 2018, 04:47 PM IST
UP: લોકો ખેલ સમજતા રહ્યા અને અઝગરે મદારીને ભરડામાં લીધો

મઉ : ઉત્તરપ્રેદશનાં મઉ જનપદનાં મોહમ્મદ પોલીસ બજાર વિસ્તારમાં તે સમયે અફડા -તફડી મચી ગઇ જ્યારે એક ખેલ કરી રહેલા મદારીને અઝગરે ભરડો લીધો હતો. જો કે ખેલ જોઇ રહેલા લોકોને પહેલા લાગ્યું કે મદારી લોકોને ખુશ કરવા માટે નાટક કરી રહ્યો છે. જો કે જોત જોતામાં તે બેહોશ થઇને જમીન પર પડી ગયો હતો અને ઘણા સમય સુધી તે ઉભો થયો નહોતો. મળતી માહિતી અનુસાર રસ્તા કિનારે એક અજાણ્યા મદારી ખેલ દેખાડી રહ્યો હતો.

મદારીને જોવા માટે મોટા પ્રમાણમાં લોકો જોઇ રહ્યા હતા. મદારીએ અઝગરને પોતાનાં ગળામાં નાખ્યો કે અઝગરે પોતાની પકડ દ્વારા મદારીનું ગળુ દબાવવા લાગ્યો હતો. જો કે તે ઘણા પ્રયાસો છતા અઝગરની ચંગુલમાંથી પોતાની જાતને છોડાવી શક્યો નહોતો. બીજી તરફ એકત્ર થયેલા લોકો તે અભિનય કરીને લોકોને ખુશ કરી રહ્યો હોવાનું માની રહ્યા હતા.

આખરે શ્વાસ રૂંધાતા મદારી જમીન પર પડી ગયો હતો. અજગર ફરીથી મદારીનાં ગળે લપેટાવા લાગ્યો ત્યારે ત્યાં ઉભેલા લોકો પૈકી એક વ્યક્તિને કંઇક અજુગતુ બન્યું હોવાની શંકા જતા મદારીનાં મોઢા પર પાણી છાંટ્યું હતું અને અજરતને દુર કર્યો હતો. ત્યાર બાદ અચાનક લોકોએ 108 નંબર પર ફોન કરીને એમ્બ્યુલન્સ બોલાવી અને તેને પ્રાથમિક સ્વાસ્થય કેન્દ્રમાં ભરતી કરાવ્યો હતો.

જો કે પરિસ્થિતીની ગંભીરતા જોતા જિલ્લા સિવિલ હોસ્પિટલ ખાતે સારવાર માટે ખસેડવામાં આવ્યો હતો. જો કે તેને ત્યાંથી પણ વારાણસી ખાતે રિફર કરવામાં આવ્યો હતો. જો કે હજી સુધી મદારીની ઓળખ અંગે કોઇ જ માહિતી મળી શકી નથી.