સીપી રાધાકૃષ્ણનના ઉપરાષ્ટ્રપતિ બનવાની સાથે સરકારના સર્વોચ્ચ પદો પર RSSના સ્વયંસેવક, લિસ્ટ જોઈ લો

નવી દિલ્હીઃ પ્રધાનમંત્રી નરેન્દ્ર મોદીએ જ્યારે 79મા સ્વતંત્રતા દિવસ પર લાલ કિલ્લા પરથી રાષ્ટ્રીય સ્વયંસેવક સંઘ (RSS) નો ઉલ્લેખ કર્યો તો રાજકીય પ્રેક્ષકોની સાથે ખુદ સંઘ સાથે જોડાયેલા લોકો પણ આશ્ચર્યમાં પડી ગયા. હવે તેમણે 16 વર્ષની ઉંમરથી સંઘ સાથે જોડાનાર સીપી રાધાકૃષ્ણનને ઉપરાષ્ટ્રપતિ ચૂંટણીમાં એનડીએના ઉમેદવાર બનાવી વર્તમાન રાજકીય પરિદ્રશ્યમાં મોટું ટ્રમ્પ કાર્ડ ચાલી દીધું છે. રાધાકૃષ્ણનની જીત લગભગ નક્કી માનવામાં આવી રહી છે. સીપી રાધાકૃષ્ણનના ઉપરાષ્ટ્રપતિ બનવાથી એક અનોખો ઈતિહાસ બનશે. જ્યારે દેશના સર્વોચ્ચ પદો પર સંઘના સ્વયંસેવક બિરાજમાન હશે.

સંઘ માટે સ્વર્ણિમ ક્ષણ
સંઘ સાથે લાંબા સમથી જોડાયેલા એક લેખક અને પ્રોફેસર કહે છે કે 15 ઓગસ્ટે તે કાર ચલાવી રહ્યાં હતા અને પીએમ મોદીનું ભાષણ સાંભળી રહ્યા હતા. જ્યારે પીએમ મોદીએ સંઘનું નામ લીધું તો તેમણે ગાડી રોકી પ્રશંસામાં તાળી પાડી. તે કહે છે કે લગભગ આ પ્રશંસાની સંઘે પણ અપેક્ષા કરી હશે નહીં. એક એવું સંગઠન જેનો ત્રણ વખત વધ કરવાનો પ્રયાસ કરવામાં આવ્યો, પરંતુ સંઘએ આફત મેનેજમેન્ટથી લઈને ખુદને વનવાસિઓ વચ્ચે પહોંચાડી પોતાનો વિસ્તાર કર્યો. આવું કરનાર તે એકમાત્ર નથી પરંતુ પીએમ મોદીએ જ્યારે સંઘના કામનો લાલ કિલ્લા પરથી ઉલ્લેખ કર્યો તો તમામ સ્વયંસેવકોના આંસુ છલકી ગયા હતા.

અલગ અંદાજમાં જોવા મળી રહ્યાં છે પીએમ મોદી
આખરે પીએમ મોદીએ લાલ કિલ્લા પરથી તે સન્માન આપ્યું, જેનું આરએસએસ હકદાર હતું. પીએમ મોદી ભાજપમાં આવતા પહેલા સંઘમાં હતા. પછી તેમણે ભાજપ સંગઠનમાં કામ કર્યા બાદ ગુજરાતના મુખ્યમંત્રીની જવાબદારી સંભાળી હતી. કદાચ એટલા માટે જ તેઓ જાણે છે કે ક્યારે યોગ્ય સમય છે. પીએમ તરીકેના તેમના ત્રીજા કાર્યકાળમાં પીએમ મોદી જે ભૂમિકામાં જોવા મળે છે તે દર્શાવે છે કે તેઓ સંઘને ગુરુ દક્ષિણા સમર્પિત કરી રહ્યા છે. જો આગામી દિવસોમાં કંઈક વધુ આશ્ચર્યજનક બને છે, તો તે મોટી વાત નહીં હોય. રાજકીય નિરીક્ષકો આને પીએમ મોદીનું દિવ્ય દ્રષ્ટિકોણ માની રહ્યા છે. પીએમ બન્યા પછી, મોટા હોદ્દાઓ પર સંઘનું વર્ચસ્વ સતત વધ્યું છે.

શતાબ્દી વર્ષમાં RSS ટોચ પર
રાષ્ટ્રપતિ દ્રૌપદી મુર્મુ, પ્રધાનમંત્રી નરેન્દ્ર મોદી, સંરક્ષણ મંત્રી રાજનાથ સિંહ, ગૃહમંત્રી અમિત શાહ અને લોકસભા અધ્યક્ષ ઓમ બિરલા બધા સંઘ પરિવારમાંથી આવ્યા છે. એટલું જ નહીં, નીતિન ગડકરી પણ સંઘમાંથી આવે છે. હવે જ્યારે સીપી રાધાકૃષ્ણન ઉપરાષ્ટ્રપતિની ખુરશી પર બેસશે, ત્યારે તેઓ આ પદ પર પહોંચનારા સંઘના બીજા વ્યક્તિ બનશે. આ પહેલા વેંકૈયા નાયડુ ઉપરાષ્ટ્રપતિની જવાબદારી સંભાળી ચૂક્યા છે. નાયડુ પહેલા ભૈરોન સિંહ શેખાવત પણ ઉપરાષ્ટ્રપતિ હતા પરંતુ તેઓ સીધા ભારતીય જનસંઘમાં આવ્યા હતા. આવી સ્થિતિમાં, સંઘ તેના શતાબ્દી વર્ષમાં ટોચ પર હશે. સ્વાભાવિક છે કે, નાગપુરમાં સંઘના 100 વર્ષની ઉજવણીના પ્રસંગે આ ક્ષણ અનોખી હશે.

100 વર્ષમાં સત્તાના શિખર પર સંઘ

વિજયાદશમીથી શરૂ થશે જશ્ન
સંઘના 100 વર્ષનો જશ્ન વિજયાદશમીના પર્વની સાથે શરૂ થશે. તેવામાં જ્યારે વિજયાદશમીમાં આશરે સવા મહિનો બાકી છે. આ પહેલા ઉપરાષ્ટ્રપતિની ચૂંટણી સંપન્ન થઈ જશે. વિજયાદશમી પર નાગપુરમાં સંઘ પ્રમુખ ડો. મોહન ભાગવત સ્વયંસેવકોને સંબોધિત કરશે. ત્યારબાદ દેશભરમાં નવેમ્બર 2025થી લઈને જાન્યુઆરી 2026 સુધી સંઘનું સાહિત્ય વિતરિત કરવામાં આવશે. સંઘે દરેક ગામ, દરેક શહેરના અભિયાન માટે મોટી તૈયારી કરી છે.