 "Apple Peel Uses: કચરો સમજી ફેંકી ન દો સફરજનની છાલ, આ 3 કામમાં વાપરશો તો કહેવાશો સ્માર્ટ")
Apple Peel Uses: સફરજન આપણા સ્વાસ્થ્ય માટે ફાયદાકારક ફળ છે. આમ તો સફરજન છાલ સહિત જ ખાવું જોઈએ પણ ઘણા લોકોને સફરજનની છાલ ભાવતી નથી એટલે તેઓ છાલ કાઢી કચરામાં ફેંકી દેતા હોય છે. પરંતુ સફરજનની છાલને બેકાર સમજવાની ભુલ ન કરવી. સફરજનની છાલનો ઉપયોગ તમે 3 એવા કામમાં કરી શકો છો જે તમને સ્માર્ટ સાબિત કરી દેશે. તો ચાલો તમને જણાવીએ ઘરના કયા કામમાં સફરજનની છાલ યુઝ કરવી બેસ્ટ ગણાય છે.
સફરજનની છાલનો ઉપયોગ કરવાની રીત
ક્રિસ્પી ચીપ્સ
સફરજનની છાલને તમે ચીપ્સ તરીકે યુઝ કરી શકો છો. કચરામાં ફેંકવાને બદલે તમે ક્રિસ્પી ચિપ્સ બનાવી શકો છો. સફરજનની છાલની ચિપ્સ બનાવવી સરળ છે. આ ચિપ્સ એર ફ્રાયરમાં ઝડપથી બની જાય છે. સફરજનની ચીપ્સ હેલ્ધી અને ઓઈલ ફ્રી ઓપ્શન છે.
ફેસપેક
સફરજનની છાલનો ઉપયોગ ફેસપેક તરીકે પણ કરી શકો છો. તેનાથી સ્કિન ચમકદાર બને છે. તેના માટે સફરજનની છાલને પીસી પેસ્ટ બનાવી લો અને તેમાં મધ મિક્સ કરી સ્કિન પર અપ્લાય કરો. આ ફેસપેકને રોજ પણ લગાડી શકો છો અથવા સપ્તાહમાં 3 થી 4 વખત પણ લગાડી શકો છો.
ગાર્નિશિંગ
સફરજનની છાલનો ઉપયોગ તમે ગાર્નિશિંગ તરીકે પણ કરી શકો છો. અલગ અલગ ફુડને ગાર્નિશ કરવા માટે તેનો યુઝ કરી શકો છો. ખાસ કરીને સલાડ અને સ્મુધીમાં આ છાલ ગાર્નિશ તરીકે કામ આવશે અને સ્વાદ પણ વધારશે.
એર ફ્રેશનર
રસોડામાં અને રુમમાં સુગંધ ફેલાવવા માટે સફરજનની છાલનું એર ફ્રેશનર પણ બનાવી શકો છો. સફરજનની છાલને પાણીમાં ઉકાળી તેનો યુઝ કરી શકો છો. તેથી હવે જો સફરજનની છાલ ઉતારો તો તેને ફેંકવાને બદલે આ રીતે યુઝ કરી જોવું.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
)