 "Beauty Tips: આંખ નીચે નહીં ફેલાય કાજલ, સૌથી પહેલા આંખ નીચે લગાડો આ વસ્તુ, રાત સુધી ખરાબ નહીં થાય કાજલ")
How to Make Kajal Smudge Proof: દરેક મહિલાની સુંદરતા તેની આંખમાં વસે છે. આંખની સુંદરતા વધારવા માટે કાજલ કરવામાં આવે છે. કાજલ આંખને મોટી અને સુંદર બનાવે છે. કાજલ કરવાથી ચહેરો આકર્ષક અને સુંદર દેખાય છે. ટ્રેડિશનલ લુક હોય કે મોડર્ન લુક કાજલ દરેક લુકને વધારે સુંદર બનાવે છે. પરંતુ ઘણીવાર એવું થાય છે કે કાજલ કર્યા પછી થોડીવારમાં આંખ નીચે ફેલાય જાય છે.
આંખ નીચે કાજલ ફેલાય જાય તો સુંદરતા પણ ફીક્કી પડી જાય છે. જો તમારી સાથે પણ આવું થતું હોય તો ચિંતા કરવાની જરૂર નથી. આજે તમને મેકઅપની કેટલીક જોરદાર ટ્રીક વિશે જણાવીએ જેને ફોલો કરવાથી કાજલ આંખ નીચે ફેલાશે નહીં. સવારે કાજલ કરશો તો સાંજ સુધી એવું ને એવું રહેશે. આ બ્યુટી ટીપ્સ ફોલો કરી તમે કોઈપણ નોર્મલ કાજલને સ્મજપ્રુફ બનાવી શકો છો.
કાજલ લગાડવાની બ્યુટી ટીપ્સ
આંખમાં કાજલ લગાડો તે પહેલા આંખની નીચે એટલે કે અંડર આઈ એરિયામાં પ્રાઈમર અથવા કોમ્પેક્ટ પાવડર લગાડો. પ્રાઈમર અથવા પાવડર લગાડી 1 મિનિટ પછી કાજલ અપ્લાય કરો. આ રીતે આંખની નીચેની સ્કિન ડ્રાય રહેશે અને કાજલ લાંબા સમય સુધી ફેલાયા વિના ટકશે.
કાજલ લગાડવાનો સમય
કાજલ કલાકો સુધી ફેલાયા વિના રહે તે માટે મેકઅપ કરી લીધા પછી સૌથી છેલ્લે કાજલ લગાડો. મેકઅપ કર્યા બાદ સૌથી છેલ્લે કાજલ લગાડવાથી કાજલ સાફ દેખાય છે અને લાંબા સમય સુધી ટકે છે. એટલે કે સૌથી પહેલા મેકઅપ બેઝ કરો, આઈશેડો કરો, મસ્કારા કરો અને છેલ્લે કાજલ લગાવો.
આંખને વારંવાર હાથ ન લગાવો
કાજલ કર્યા પછી કલાકો સુધી રહે તે માટે જરૂરી છે કે આંખને વારંવાર રગડવી નહીં. આંખને હાથ પણ ન લગાડો. આ સિવાય ઉનાળામાં અને ચોમાસામાં ખાસ વોટરપ્રુફ કાજલનો ઉપયોગ કરો. સાથે જ આંખની નીચેના એરિયાને થોડી થોડી મિનિટે ટીસ્યૂથી હળવા હાથે ક્લીન કરો જેથી એક્સ્ટ્રા ઓઈલ સાફ થઈ જાય.
આઈલાઈનથી લોક કરો
કાજલને સ્મજપ્રુફ કરવા માટે સૌથી બેસ્ટ છે આઈલાઈનર લોકિંગ. કાજલ કરી લીધા બાદ આઈ લાઈનરથી એક પાતળી લાઈન તેના પર કરી દો. તેનાથી કાજલ લોક થઈ જશે અને આખો દિવસ ફેલાયા વિના ટકશે.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
)