 "Detox Water: પાર્લર ગયા વિના ચહેરા પર દેખાશે ગ્લો, આ ડિટોક્સ વોટર પીવાથી થશે જાદુ જેવી અસર")
Detox Water For Glowing Skin: સાદુ પાણી તો દરેક વ્યક્તિ પીવે છે પરંતુ શું તમે જાણો છો કે કેટલાક પ્રકારના ડિટોક્સ વોટર પીવાથી શરીરને અનેક ગણો વધારે ફાયદો થાય છે ? જો તમે ડિટોક્સ વોટર પીવાનું શરૂ કરો છો તો શરીરમાં પોઝિટિવ ફેરફાર દેખાવા લાગે છે. ખાસ કરીને બીટનું ડિટોક્સ વોટર પીવાની શરૂઆત કરશો તો તમને જે પણ જોશે તેને પણ તમારામાં ફેરફાર દેખાશે. કારણ કે આ ડિટોક્સ વોટર ત્વચાને અંદરથી સાફ કરે છે અને જેની ઝલક ત્વચા ઉપર પણ દેખાય છે.
જો તમે રોજ અલગ અલગ ડિટોક્સ વોટર બનાવીને પીવો છો તો શરીર અંદરથી ડિટોક્સ થઈ જાય છે જેના કારણે ત્વચાની રંગત પણ ખીલી જાય છે. ડિટોક્સ વોટર બનાવવું પણ એકદમ ઈઝી છે. તો ચાલો તમને જણાવીએ ત્વચા માટે ફાયદાકારક ડિટોક્સ વોટર કેવી રીતે બનાવવું.
બીટનું ડિટોક્સ વોટર બનાવવાની સામગ્રી
એક લીટર પાણી
એક લીંબુ
એક બીટ
પાંચ થી છ ફુદીનાના પાન
એક નાની ચમચી મધ
ડિટોક્સ વોટર બનાવવાની રીત
સૌથી પહેલા પાણીને એક જગમાં ભરો. બીટને પાણીથી સાફ કરી તેની છાલ ઉતારીને નાના નાના ટુકડા કરી પાણીમાં ઉમેરી દો. સાથે જ લીંબુની પણ નાની-નાની સ્લાઈસ કરી પાણીમાં ઉમેરી દો. આ પાણીમાં ફુદીનાના પાન અને મધ ઉમેરી સારી રીતે મિક્સ કરો અને તેને ફ્રીજમાં ચારથી પાંચ કલાક માટે રાખી દો. આ પાણીને તમે રાત્રે બનાવી શકો છો અને બીજા દિવસે સવારે આ પાણી ગાળી લેવું અને આખા દિવસ દરમિયાન થોડી થોડી માત્રામાં પીતા રહેવું.
બીટનું ડિટોક્સ વોટર પીવાના ફાયદા
આ રીતે બનાવેલું બીટનું ડિટોક્સ વોટર પીવાથી રક્ત સાફ થાય છે અને ચહેરા પર ગ્લો દેખાય છે. જે યુવતીઓના લગ્ન ટૂંક સમયમાં થવાના હોય તેમણે આ ડિકોક્સ વોટર રોજ પીવું જોઈએ તેનાથી ત્વચા અંદરથી સાફ થઈ જાય છે અને ત્વચા પર ગ્લો દેખાય છે. આ ડિટોક્સ વોટરમાં લીંબુ ઉમેરવામાં આવેલું હોય છે જે શરીરના ઝેરી તત્વોને બહાર કાઢવામાં મદદ કરે છે. સાથે જ ફુદીનાના પાન પાચન ક્રિયાને સુધારે છે. આખા દિવસ દરમિયાન આ પાણી પી લેવાથી વજન ઘટાડવામાં પણ મદદ મળે છે.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
)