 "Coffee Scrub: ફેસ પર ઈન્સ્ટન્ટ ગ્લો માટે કોફીમાં આ વસ્તુઓ મિક્સ કરી કરો સ્ક્રબ, 5 મિનિટમાં નીકળી જશે ડેડ સ્કિન")
)
How to Make Coffee Scrub: હર કોઈ સુંદર દેખાવા માંગે છે. તેના માટે લોકો અલગ અલગ ઉપાય પણ કરે છે. ઘણા લોકો મોંઘા પ્રોડક્ટનો ઉપયોગ કરે છે જેથી સ્કિન પર ગ્લો દેખાય. પરંતુ સારામાં સારી પ્રોડક્ટ યુઝ કર્યા પછી પણ જો તે સ્કીનને સુટ ન થાય તો સ્કીન ડલ દેખાય છે. મોંઘી વસ્તુ પર વધારે ખર્ચ કરવાની બદલે તમે કેટલાક સરળ ઉપાય ફોલો કરીને પણ 5 મિનિટમાં ગ્લોઇંગ સ્કીન મેળવી શકો છો.
હકીકતમાં ચેહરા પર જ્યારે ડેડ સ્કીન જમા થઈ જાય છે તો સ્કિનની રોનક ઓછી થઈ જાય છે અને સ્કિન ડલ દેખાવા લાગે છે. જો તમે ડેડ સ્કિનને હટાવી દો તો ત્વચા સોફ્ટ થઈ જાય છે અને ઇન્સ્ટન્ટ ગ્લો દેખાય છે. તેના માટે કોફીમાંથી બનેલા નેચરલ સ્ક્રબનો ઉપયોગ કરી શકો છો. કોફીમાં એન્ટિ ઓક્સિડન્ટ પ્રોપર્ટી હોય છે જે ડેડ સ્કિનને સરળતાથી દૂર કરે છે. ચહેરા પરથી ડેડ સ્કિન દૂર થઈ જવાથી ચહેરા પર ઇન્સ્ટન્ટ ગ્લો દેખાય છે. તો ચાલો તમને જણાવીએ કોફીમાં કઈ ત્રણ વસ્તુ મિક્સ કરીને સ્ક્રબ બનાવી શકાય છે.
કોફી અને દહીં
કોફી પાવડર અને દહીંનું સ્ક્રબ ત્વચાનું ડિપ ક્લિનિંગ કરે છે. દહીમાં લેક્ટિક એસિડ હોય છે જે ત્વચાને સાફ કરે છે અને કોફી ડેડ સ્કિન દૂર કરવામાં મદદ કરે છે. એક ચમચી કોફી પાવડરમાં થોડું દહીં મિક્સ કરી પેસ્ટ બનાવી લો અને આ પેસ્ટને ચહેરા પર લગાવો. 15 મિનિટ પછી હળવા હાથે મસાજ કરો અને 5 મિનિટ પછી ચહેરો ધોઈ લો. તમારી સ્કિન એકદમ સાફ અને ફ્રેશ દેખાશે.
કોફી અને મધ
ચહેરા પર કોફી અને મધનો ઉપયોગ કરવાથી પણ ઇન્સ્ટન્ટ ગ્લો દેખાય છે. તેના માટે કોફીમાં મધ ઉમેરીને પેસ્ટ તૈયાર કરો.. ચહેરાને પાણીથી સાફ કરી આ પેસ્ટ ચહેરા પર લગાવો અને 20 મિનિટ રહેવા દો. 20 મિનિટ પછી હળવા હાથે મસાજ કરી સ્ક્રબ કરો. મધ સ્કિનની ડ્રાઇનેસ દૂર કરશે અને નેચરલ મોઈશ્ચર આપશે. ત્યાર પછી હુંફાળા પાણીથી ચહેરો ધોઈ લો.
કોફી અને એલોવેરા
કોફી સાથે એલોવેરા જેલ મિક્સ કરીને પણ યુઝ કરી શકાય છે. તેના માટે કોફી પાવડરમાં એલોવેરા જેલ મિક્સ કરી પેસ્ટ તૈયાર કરો અને તેને ચહેરા પર લગાવો. ત્યાર પછી હળવા હાથે મસાજ કરીને 10 મિનિટ આ પેસ્ટને ચહેરા પર રહેવા દો. છેલ્લે ઠંડા પાણીથી ચહેરો સાફ કરો. આ સ્ક્રબ ઓઇલી સ્કિન હોય તેમના માટે સૌથી વધારે ફાયદાકારક છે. તેનાથી એક્સ્ટ્રા ઓઇલ દૂર થશે અને ચહેરો ગ્લો કરશે.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
