Cooking Tips: પાણીમાં આ વસ્તુ ઉમેરી ચોખા બાફજો, ભાતનો દાણો એકદમ છુટો અને સફેદ રહેશે

Cooking Tips for Rice: થાળીમાં ભાત ન હોય તો જમવાની મજા આવતી નથી. ઘણા ઘરમાં તો દિવસમાં 2 વાર ભાત બનતા હોય છે. ભાત નાના-મોટા સૌ કોઈને ભાવે છે. ભાતમાંથી અલગ અલગ વાનગીઓ પણ બનતી હોય છે. પણ ઘણીવાર ભાત બનાવતી વખતે ભુલ થઈ જાય તો ભાત ચીકણા અને ગળેલા થઈ જાય છે. ભાત ચીકણા થઈ જાય તો તેનો સ્વાદ પણ ખરાબ થઈ જાય છે. આવું ન થવા દેવું હોય અને દર વખતે એકદમ છુટા ભાત બનાવવા હોય તો શું કરવું ચાલો તમને જણાવીએ. આ ટ્રીક અજમાવશો તો ભાત એકદમ સફેદ અને એક એક દાણો છુટો રહે એવા બનશે. 

આ પણ વાંચો: Recipe: ઘરે બનાવો દહીંવાળા મરચા, પરોઠા સાથે શાક બનાવવાની જરૂર નહીં પડે

છુટા ભાત બનાવવાની જોરદાર ટ્રીક

લીંબુ

ભાત ચીકણા અને ગળેલા ન રહે તે માટે ભાત માટે પાણી ઉકાળો તેમાં થોડો લીંબુનો રસ ઉમેરી દેવો. લીંબુનો રસ ઉમેરી દેવાથી ભાત છુટા અને એકદમ સફેદ થશે.

આ પણ વાંચો: ઘરે બનાવો લીલા મરચાંની ચટણી, સેન્ડવીચથી લઈ ભજીયા સુધી દરેક વસ્તુ સાથે બેસ્ટ લાગશે

બ્રેડ

જો ક્યારેક ભાતમાં પાણી વધી ગયું હોય અને ભાત વધારે ભીના લાગે તો બ્રેડનો ઉપયોગ પણ કરી શકો છો. બ્રેડને ચોખા ઉપર રાખી દેવી. જેથી વધારાનું પાણી સોષાય જાય. ત્યારપછી ચોખા એકદમ છુટા થઈ જશે. 

આ પણ વાંચો: ચા બનાવતી વખતે કરેલી આ ભુલના કારણે ઝેર બને છે ચા, જાણો મસાલા ચા બનાવવાની સાચી રીત

પાણીનું માપ

ચોખા કુકરમાં પકાવો તો પાણી યોગ્ય માત્રામાં મુકવું જરૂરી છે. ચોખા હોય તેના કરતાં થોડું જ વધારે પાણી મુકવું. જેથી ચોખા વધારે ગળેલા નહીં થાય. 

આ પણ વાંચો: 10 મિનિટમાં બની જશે ખજૂર આમલીની ચટપટી ચટણી, ફટાફટ બનાવવી હોય ત્યારે આ રીત ટ્રાય કરજો

ઘી અથવા માખણ

કુકરમાં ચોખા પકાવો ત્યારે તેમાં માખણ અથવા ઘી ઉમેરી દેવું, તેનાથી ચોખા એકદમ ખીલેલા થશે અને સ્વાદિષ્ટ પણ લાગશે. 

આ પણ વાંચો: વધેલી રોટલીને સોફ્ટ રાખવી હોય તો ફોલો કરો આ ટીપ્સ, ઠંડી રોટલી પણ કડક નહીં થાય

સ્લો કુકીંગ 

જો ચોખા એકદમ છુટા રહે તેવા બનાવવા હોય તો ચોખાને હંમેશા ધીમા તાપે કુક કરો. આ ટીપ્સ અપનાવીને તમે ભાત બનાવશો તો ભાતના દાણા છુટા રહેશે. 

( Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)