Tea Strainer: ચાની ગરણી સાફ કરવાની સરળ રીત, સ્ક્રબરથી ઘસવાની જરૂર પણ નહીં પડે, મિનિટોમાં જાળીમાંથી નીકળી જશે કચરો

Tea Strainer Cleaning Hacks: ઘરમાં રોજ વપરાતા વાસણની સફાઈ જરૂરી હોય છે. તેમાં પણ કેટલાક વાસણ એવા હોય છે જે ઝડપથી ખરાબ થઈ જાય છે અને તેને બરાબર રીતે સાફ કરવામાં ન આવે તો તે પેટમાં ઇન્ફેક્શનનું જોખમ વધારે છે. આવા જ વાસણમાંથી એક છે ચાની ગરણી. ચા ની ગરણીનો ઉપયોગ દિવસમાં બેથી ત્રણ વખત થતો હોય છે અને ગરણી ખરાબ પણ ઝડપથી થઈ જાય છે. 

આ પણ વાંચો: Apple Peel: કચરો સમજી ફેંકી ન દો સફરજનની છાલ, આ 3 કામમાં વાપરશો તો કહેવાશો સ્માર્ટ

સામાન્ય રીતે ગરણીને લોકો પાણીથી સાફ કરી નાખે છે પરંતુ તેની જાળીમાં ફસાયેલી ગંદકી સાફ થતી નથી અને તેના કારણે ગરણી ધીરે ધીરે કાળી પડવા લાગે છે. ચા ની ગરણીની જાળીમાં નાના નાના કાણા હોય છે જેમાં ચાની ભૂકી ફસાતી રહે છે અને ધીરે ધીરે ચા ની ગરણી બ્લોક થઈ જાય છે જેના કારણે ગરણી કાળી પણ દેખાય છે. જો આ ગરણીને સાફ કર્યા વિના ઉપયોગમાં લેવામાં આવે તો તેમાં રહેલી ગંદકી ચા ના માધ્યમથી પેટમાં જતી રહે છે. તેથી ચા ની ગરણીને થોડા થોડા દિવસે વ્યવસ્થિત રીતે સાફ કરવી જોઈએ. ગરણી પ્લાસ્ટિકની હોય કે સ્ટીલની તેને સરળતાથી સાફ કરવાનો બેસ્ટ રસ્તો આજે તમને જણાવીએ. 

આ પણ વાંચો: વિદેશના બીચને ટક્કર મારે એવા ભારતના 5 બીચ, અહીંની સુંદરતા સામે ગોવા પણ ટુંકું પડે

સ્ટીલની ચા ની ગરણીને સાફ કરવાની રીત 

મોટાભાગના લોકો ચા ગાળવા માટે સ્ટીલની ગરણીનો ઉપયોગ કરતા હોય છે. સ્ટીલની ગરણીના સાફ કરવી મિનિટોનું કામ છે. આ રીતે ગરણી સાફ કરશો તો અંદરની બધી જ ગંદકી નીકળી જશે અને વધારે મહેનત પણ કરવી નહીં પડે. ગરણી સાફ કરવા માટે સૌથી પહેલા ગેસ ઓન કરી તેની ફ્લેમ પર ચા ની ગરણીનો જાળીવાળો ભાગ ગરમ કરો, થોડી જ સેકન્ડમાં ગરણીની જાળીમાં ફસાયેલી ચા ની ભૂકી બળવા લાગશે. જ્યારે ગરણી ની જાળી લાલ દેખાવા લાગે તો ગેસ બંધ કરી દો અને ગરણીને સાઈડમાં રાખી દો જેથી તે ઠંડી થઈ જાય. ગરણી ઠંડી થઈ જાય એટલે સ્ક્રબર ની મદદથી તેને સાફ કરો અને પછી પાણીથી ધોઈ લો. બસ આટલું કરશો ત્યાં જ ચા ની ગરણી એકદમ ચોખ્ખી થઈ જશે. 

આ પણ વાંચો: ખાંડના ડબ્બામાં ક્યારેય નહીં થાય કીડી, આ ઘરેલુ ઉપાયોથી ખાંડમાંથી ફટાફટ ઉતરી જશે કીડી

પ્લાસ્ટિકની ગરણી સાફ કરવાની રીત 

ચા ની ગરણી જો પ્લાસ્ટિકની હોય તો તેને સાફ કરવા માટે અલગ રીત અપનાવી. પ્લાસ્ટિકની ગરણી ને સાફ કરવા માટે ટુથ બ્રશનો ઉપયોગ કરવો. ટુથ બ્રશ પર વાસણ સાફ કરવાનું લિક્વિડ અથવા તો સાબુ અને બેકિંગ સોડા લગાડી ગરણીની જાળીને બરાબર સાફ કરો. ટુથ બ્રશ વડે ગરણીની જાળી સાફ કરશો એટલે અંદર ફસાયેલો બધો જ કચરો નીકળી જશે. અને ગરણી એકદમ સાફ થઈ જશે. 

આ પણ વાંચો: ઘરમાં વારંવાર નીકળતા હોય કાનખજૂરા તો આ વસ્તુનો ઉપયોગ કરો, કાનખજૂરાથી મુક્તિ મળી જશે

આ બે રીત સિવાય ચા ની ગરણી ને સાફ કરવા માટે લીંબુ, વિનેગર અને બેકિંગ સોડાનું મિશ્રણ પણ યુઝ કરી શકો છો. તેના માટે વિનેગર, બેકિંગ સોડા અને લીંબુ મિક્સ કરી મિશ્રણ તૈયાર કરો. આ મિશ્રણને ચા ની ગરણીમાં સારી રીતે લગાવી 5 મિનિટ રાખો. ત્યાર પછી સ્ક્રબરની મદદથી ગરણી ઘસી અને પાણીથી સાફ કરી લો. આ રીતે પણ ગરણીમાં ફસાયેલો મેલ નીકળી જાય છે. આ ત્રણમાંથી એક રીત અપનાવી ચા ની ગરણીને અઠવાડિયામાં એક વખત અચૂક સાફ કરો..

(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)