 "Hair Gel: ભીંડાના પાણીથી વધશે વાળનો ગ્રોથ, જાણો પાણી કેવી રીતે તૈયાર કરવું અને કેવી રીતે લગાડવું ?")
Homemade Hair Gel: વરસાદી વાતાવરણમાં વાળ ડ્રાય અને બેજાન થઈ જાય છે. ડેમેજ થયેલા વાળને રીપેર કરવા માટે ભીંડાના પાણીનો ઉપયોગ કરી શકો છો. ભીંડાના પાણીનો ઉપયોગ કરવાથી વાળની ફ્રિઝીનેસની સમસ્યાને ઠીક કરી શકાય છે. તો ચાલો આજે તમને જણાવીએ વાળ માટે ભીંડાનું જેલ જેવું પાણી કેવી રીતે રેડી કરવું અને તેનો ઉપયોગ કેવી રીતે કરવો.
ભીંડાના પાણીના ફાયદા
ભીંડાનું પાણી જેલ જેવું ચીકણું હોય છે જે વાળ માટે ફાયદાકારક હોય છે. ભીંડામાં વિટામિન એ, સી સહિતના પોષકતત્વો હોય છે જે વાળ માટે ફાયદાકારક છે. ભિંડાનું પાણી વાળમાં લગાડવાથી વાળ શાઈની અને ચમકદાર બને છે.
વાળ માટે કેવી રીતે બનાવવું ભીંડાનું પાણી ?
વાળ માટે ભીંડાનું પાણી બનાવવું એકદમ ઈઝી છે. તેના માટે એલોવેરા જેલ, 7 થી 8 ભીંડા, 3 ગ્લાસ પાણી અને 1 ચમચી મેથી દાણાની જરૂર પડશે. એક કઢાઈમાં 3 ગ્લાસ પાણી લઈ બરાબર ગરમ કરો. આ પાણીમાં મેથી દાણા, એલોવેરા જેલ અને સમારેલા ભીંડા ઉમેરી દો. આ પાણીને ધીમા તાપે ઉકળવા દો. ભીંડા સોફ્ટ થઈ જાય એટલે ગેસ બંધ કરી દેવો. મિશ્રણ ઠંડુ થાય એટલે તેને ગાળી લેવું.
વાળમાં કેવી રીતે લગાડવું ભીંડાનું પાણી ?
ભીંડાનું જે મિશ્રણ તૈયાર કર્યું હોય તેને જરૂર અનુસાર બાઉલમાં લેવું. હવે શેમ્પૂ કરેલા વાળમાં ભીંડાનું મિશ્રણ લગાડો. જેલ લગાડી વાળમાં કાંસકો ફેરવવો જેથી જેલ વાળના મૂળમાં અને આખા વાળમાં લાગી જાય. ત્યારબાદ વાળને કવર કરી લો અને 30 થી 40 મિનિટ પછી હેર વોશ કરી લો. આ રીતે ભીંડાનું પાણી અથવા જેલ સપ્તાહમાં 1 વાર વાળમાં લગાડશો તો વાળ શાઈની થઈ જશે.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
)