Multigrain Atta: ઘઉંમાં આટલા અનાજ મિક્સ કરી ઘરે બનાવો હેલ્ધી મલ્ટીગ્રેન આટા, આ લોટની 2 રોટલીથી પણ પેટ કલાકો સુધી ભરેલું રહેશે

How To Make Multigrain Atta at Home: હેલ્ધી અને ફિટ રહેવા માટે એક્સરસાઇઝની સાથે ખોરાક પર પણ વિશેષ ધ્યાન આપવું પડે છે. હેલ્થ સારી રહે તે માટે લોકો રોટલી માટે મલ્ટીગ્રેન લોટ યુઝ કરે છે. પરંતુ મોટાભાગના લોકો બજારમાંથી તૈયાર લોટ ખરીદીને ખાતા હોય છે. પરંતુ આવા લોટમાં ભેળસેળ પણ થતી હોય છે જેની ખરાબ અસર હેલ્થ પર પડી શકે છે. 

આ પણ વાંચો: ઈડલી-ઢોસાના બેટરમાં ઠંડીમાં પણ આવશે સારો આથો, આ રીતે યુઝ કરજો નાગરવેલનું પાન

Add Zee News as a Preferred Source

હેલ્થ માટે મલ્ટીગ્રેન લોટ ફાયદાકારક રહે છે. પરંતુ તેના માટે લોટ બજારમાંથી તૈયાર ખરીદવો જરૂરી નથી. તમે ઘરે પણ મલ્ટીગ્રેન લોટ તૈયાર કરી શકો છો. ઘરમાં રહેલા ઘઉંમાં કેટલાક અનાજ યોગ્ય માત્રામાં ઉમેરવાના હોય છે. ઘઉં સાથે કયા કયા અનાજ ઉમેરવા અને તેનું માપ શું હોય આજે તમને જણાવીએ. આ રીત જાણી લીધા પછી તમારે ઘર માટે રેડીમેટ મલ્ટીગ્રેન લોટ લેવાની જરૂર નહીં પડે. તમે ઘરે જ વિવિધ અનાજ મિક્સ કરી લોટ બનાવી શકશો. આજે તમને જણાવીએ ઘઉં સાથે કયા કયા અનાજને મિક્સ કરીને તમે ઘરે મલ્ટીગ્રેન લોટ તૈયાર કરી શકો છો. 

આ પણ વાંચો:  બાજરાના લોટના હેલ્ધી લાડુ બનાવવાની રીત, શિયાળામાં રોજ 1 લાડુ ખાવ અને રહો ફીટ

મલ્ટીગ્રેન લોટ બનાવવા માટે 3 કિલો ઘઉં, 500 ગ્રામ જુવાર, 500 ગ્રામ બાજરો, 250 ગ્રામ રાગી, 250 ગ્રામ ચણા, 250 ગ્રામ મકાઈ અને 250 ગ્રામ સોયાબીન લેવા. આ બધી જ વસ્તુને મિક્સ કરીને ઘંટીમાં દળી લો અથવા તો બહાર દળાવી લો. અહીં દર્શાવેલા અનાજને જો આ માત્ર પ્રમાણે મિક્સ કરીને તમે લોટ કરાવશો તો સૌથી હેલ્ધી અને પૌષ્ટિક લોટ તૈયાર થઈ જશે આ લોટની રોટલી ખાવાથી શરીરને સૌથી વધુ ફાયદા થશે. 

આ પણ વાંચો: આ હૈક્સથી 2 મિનિટમાં નીકળી જશે તવાના તળિયે જામેલો મેલ, વર્ષો જુની કઢાઈ પણ ચકાચક થશે

મલ્ટીગ્રેન લોટ શરીરને બધા જ જરૂરી પોષક તત્વો પૂરા પાડે છે. આ લોટમાં અલગ અલગ પ્રકારના અનાજનો ઉપયોગ થયો છે. આ લોટથી બનેલી બે રોટલી પણ ખાશો તો લાંબા સમય સુધી ભૂખ નહીં લાગે. આ મલ્ટીગ્રેન લોટ ફાઇબરથી ભરપૂર હોય છે તે પાચનને સુધારવામાં મદદ કરશે. 

આ પણ વાંચો: બાજરીના લોટના ફુલે એવા રોટલા બનાવવાની રીત, આ રીતે લોટ બાંધશો તો રોટલો તુટશે નહીં

ઘરે બનાવેલા આ મલ્ટીગ્રેન લોટમાં પ્રોટીન, આયરન અને વિવિધ વિટામિન ભરપૂર માત્રામાં હશે જે ઇમ્યુનિટી બુસ્ટ કરશે. રોજ જો તમે આ રીતે બનાવેલો લોટ યુઝ કરશો તો ગણતરીના દિવસોમાં જ તમને હેલ્થમાં પણ ફાયદા દેખાવા લાગશે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)