 "Multani Mitti: ચહેરા પર આ રીતે લગાડો મુલતાની માટી, પાર્લરમાં ફેશિયલ કરાવ્યા કરતાં પણ વધારે ગ્લો દેખાશે")
Multani Mitti: ગ્લોઈંગ સ્કીન મેળવવા માટે યુવતીઓ અલગ અલગ બ્યુટી પ્રોડક્ટનો ઉપયોગ કરવાથી લઈને પાર્લરમાં જઈને ફેશિયલ સહિતની ટ્રીટમેન્ટ કરાવવાની મહેનત કરે છે. જોકે ઘણા લોકોની ત્વચા એવી હોય છે કે તેમને આવી ટ્રીટમેન્ટ સૂટ કરતી નથી. તેનો મતલબ એવો નથી કે ત્વચા પર ગ્લો ન દેખાય. કોઈપણ પ્રકારની ટ્રીટમેન્ટ પર ખર્ચ કર્યા વિના પણ ચહેરા પર ગ્લો વધારી શકાય છે. આ કામ મુલતાની માટીથી થઈ શકે છે. આજે તમને ચેહરા પર મુલતાની માટે લગાડવાથી થતા ફાયદા વિશે જણાવીએ અને સાથે જ જણાવીએ મુલતાની માટીના ચહેરા પર કેવી રીતે લગાડવી જોઈએ.
મુલતાની માટે લગાડવાના ફાયદા
ચહેરા પર મુલતાની માટી લગાડવાના ઘણા બધા ફાયદા છે. મુલતાની માટી ચહેરા માટે નેચરલ ક્લીંઝરનું કામ કરે છે. મુલતાની માટી લગાડવાથી ચહેરા પરનું એક્સ્ટ્રા ઓઇલ ઓછું થાય છે અને ત્વચા ક્લિન દેખાય છે. મુલતાની માટી લગાડવાથી ચહેરાના ડાઘ લાઈટ થઈ જાય છે અને સ્કીન પર ગ્લો દેખાવા લાગે છે.
મુલતાની માટી લગાડવાની રીત
મુલતાની માટી લગાડવા માટે જો તમે આ રીત ફોલો કરો છો તો ગજબનું રીઝલ્ટ જોવા મળશે. રાત્રે એક બાઉલમાં મુલતાની માટી અથવા તો માટીનો ટુકડો લઈ તેમાં ગુલાબજળ મિક્સ કરો. માટીને ગુલાબજળમાં આખી રાત પલાળી રાખો. બીજા દિવસે સવારે આ માટી ચહેરા પર લગાડવી. આ રીતે મુલતાની માટે લગાડવાથી સૌથી વધુ ફાયદો થાય છે
મુલતાની માટીનો ફેસપેક
મુલતાની માટીનું ફેસ માસ્ક બનાવવું હોય તો એક ચમચી મુલતાની માટીમાં ચોખાનો લોટ, કોફી પાવડર અને કાચું દૂધ મિક્સ કરો. બધી જ વસ્તુને સારી રીતે મિક્સ કરીને પેસ્ટ તૈયાર કરો અને તેને ચહેરા પર લગાવો. આ પેસ્ટને 10 થી 15 મિનિટ માટે રહેવા દો અને પછી ચહેરો સાફ કરો.
મુલતાની માટીનો ફેસવોશ
મુલતાની માટીનો ઉપયોગ ફેસવોશ તરીકે પણ કરી શકાય છે. મુલતાની માટીમાં પાણી ઉમેરી તેની પેસ્ટ બનાવી લો અને આ પેસ્ટને ચહેરા પર અને ગરદન પર લગાવો. પાંચ મિનિટ હળવા હાથે મસાજ કરો અને પછી ચહેરાને સાદા પાણીથી ધોઈ લો. મુલતાની માટી થી ચહેરો ધોશો તો તમને ચહેરા પર તુરંત ગ્લો દેખાવા લાગશે.
(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)
)