Neem Face Pack: રાત્રે ચહેરા પર લગાડો આ પાનની પેસ્ટ, 7 દિવસમાં ચહેરા પર દેખાવા લાગશે ગ્લો

Neem Face Pack for Pimple Free Skin: શું તમે પણ વારંવાર થતાં ખીલ અને ડાર્ક સ્પોટથી પરેશાન છો? તો આજે તમને એક એવો ઘરેલુ ઉપાય જણાવીએ જેમાં કોઈ પણ પ્રકારનો ખર્ચ પણ નહીં થાય અને તમને 7 જ દિવસમાં રીઝલ્ટ પણ જોવા મળશે. આ ઉપાય એકદમ નેચરલ વસ્તુઓથી કરવાનો છે તેથી સ્કિન પર તેની આડઅસર પણ નહીં થાય. સ્કિનને સુંદર બનાવવા માટે અને ખીલ મટાડવા માટે મોંઘા સ્કીન કેર પ્રોડક્ટનો ઉપયોગ કરવાની પણ જરૂર નહીં રહે. ઘરે તમે લીમડાના પાનમાંથી ફેસપેક બનાવીને ચહેરા પર લગાડીને ત્વચાની સુંદરતા વધારી શકો છો. 

આ પણ વાંચો: Weight Loss: 1 વાટકી દહીંમાં આ વસ્તુ ઉમેરી ખાવા લાગો, ઘટવા લાગશે પેટ પર જામેલી ચરબી

Add Zee News as a Preferred Source

તડકાના કારણે ત્વચાને નુકસાન થાય છે. ઘણી વખત ચહેરા પર ખીલ વધવા લાગે છે અને ડાઘ પણ દેખાય છે. ચહેરા પર થયેલા આવા ડાઘ અને ખીલને દૂર કરવા માટે તમે ઘરે જ લીમડાના પાનનો ફેસપેક બનાવી શકો છો. લીમડાના પાનમાં એન્ટિ બેક્ટેરિયલ અને એન્ટીસેપ્ટિક ગુણ હોય છે જે ત્વચાને સાફ કરે છે અને ત્વચાને બેદાગ બનાવે છે. 

આ પણ વાંચો: સફેદ વાળ છુપાવવા વારંવાર મહેંદીનો ઉપયોગ નુકસાનકારક, વાળ થઈ જશે રુક્ષ અને પાતળા

લીમડાના પાનનો ફેસપેક બનાવવાની રીત 

લીમડાના પાનનો ફેસપેક બનાવવા માટે લીમડાના થોડા પાન લેવા અને તેને પાણીથી સારી રીતે સાફ કરીને તેની પેસ્ટ બનાવી લેવી. હવે આ પેસ્ટમાં બે ચમચી દહીં, એક ચમચી મુલતાની માટી અને જરૂર અનુસાર ગુલાબજળ ઉમેરી પેસ્ટ તૈયાર કરી લો. લીમડાના પાનની સ્મૂધ પેસ્ટ તૈયાર થઈ જાય એટલે તેને ચહેરા અને ગરદન પર સારી રીતે અપ્લાય કરો. આ પેસ્ટને સુકાવા દો અને પછી ઠંડા પાણીથી ચહેરાને સાફ કરો. અઠવાડિયામાં બે વખત આ પેસ્ટનો ઉપયોગ કરશો એટલે તમને તુરંત જ ફરક દેખાવા લાગશે. 

આ પણ વાંચો: Skin Tanning: તડકાના કારણે ડાર્ક થયેલી સ્કિનને નોર્મલ કરવા માટેના 5 ફેસ પૈક

લીમડાના ફેસપેકથી થતા ફાયદા 

- લીમડાનો ફેસપેક લગાડવાથી ત્વચામાંથી એક્સેસ ઓઇલ દૂર થાય છે અને ખીલની સમસ્યા ઓછી થઈ જાય છે. 

- લીમડાનો ફેસપેક લગાડવાથી ચહેરા પર પડેલા એકનેના ડાઘ પણ ધીમે ધીમે ઓછા થવા લાગે છે અને ત્વચા ચમકદાર દેખાય છે. 

આ પણ વાંચો: સવારની ચામાં આ મસાલો ઉમેરી દો, ઝડપથી ઘટશે પેટની ચરબી, સાથે થશે આ 4 ફાયદા

- લીમડાના ફેસપેકથીત્વચા અંદરથી સાફ થાય છે, ડેડ સ્કીન દૂર થઈ જાય છે જેથી ચહેરા પર ગ્લો દેખાય છે. 

- લીમડામાં એન્ટિ બેક્ટેરિયલ ગુણ હોય છે જે સ્કીન ઇન્ફેક્શનને રોકે છે. 

- લીમડાના પાનની સાથે મુલતાની માટી અને દહીંનો ઉપયોગ થતો હોવાથી ત્વચાને ગરમીના દિવસોમાં ઠંડક મળે છે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)