Free Share: 4 કંપનીઓ આપી રહી છે બોનસ શેર, આ અઠવાડિયે છે રેકોર્ડ ડેટ, જાણો

Bonus Share: આ અઠવાડિયે 4 કંપનીઓ એક્સ-બોનસનો ટ્રેડ કરવા જઈ રહી છે. આ કંપનીઓમાં મોટા ભાગની કંપનીના શેરના ભાવ નીચા છે અને રોકાણકારોને મોટી ભેટ આપવા જઈ રહી છે, તમારે પણ આ કંપનીમાં મફત શેરનો લાભ લેવા માગો છો, તો તમારે પણ આ અઠવાડિયામાં રેકોર્ડ ડેટ પહેલા શેર ખરીદી લેવા પડશે.  

KBC Global Ltd: આ એક પેની સ્ટોક છે. કંપનીના શેરની કિંમત 2 રૂપિયાથી ઓછી છે. કંપનીએ ફરી એકવાર બોનસ શેર આપવાનો નિર્ણય લીધો છે. આ વખતે કંપની તેના પાત્ર રોકાણકારોને 1 શેર પર 1 શેર બોનસ આપશે. કંપનીએ બોનસ ઇશ્યૂ માટે 28 માર્ચ રેકોર્ડ ડેટ નક્કી કરી છે.   

અગાઉ, કંપનીએ 2021 માં એક્સ-બોનસ ટ્રેડ કર્યો હતો. ત્યારે કંપનીએ 1 શેર પર 4 શેર બોનસ આપ્યા હતા. તમને જણાવી દઈએ કે, 2021 માં, આ કંપનીના શેર પણ વિભાજિત કરવામાં આવ્યા હતા. પછી કંપનીના શેરને 2 ભાગમાં વહેંચવામાં આવ્યા છે.  

Dhanalaxmi Roto Spinners Ltd: કંપની એક શેર પર એક શેર બોનસ આપી રહી છે. કંપનીએ આ બોનસ ઇશ્યૂ માટે 26 માર્ચ રેકોર્ડ ડેટ નક્કી કરી છે. બીએસઈ પર ઉપલબ્ધ રેકોર્ડ ડેટ મુજબ, કંપની પહેલી વાર બોનસ શેર આપવા જઈ રહી છે. શુક્રવારે બજાર બંધ થવાના સમયે, કંપનીના શેરનો ભાવ BSE પર 3 ટકાથી વધુના વધારા સાથે ₹251.30 ના સ્તરે હતો. છેલ્લા એક વર્ષમાં શેરના ભાવમાં 39 ટકાથી વધુનો વધારો જોવા મળ્યો છે.  

Beta Drugs Ltd: કંપની દર 20 શેર માટે એક શેર બોનસ તરીકે આપશે. કંપનીએ માહિતી આપી છે કે 26 માર્ચ રેકોર્ડ ડેટ તરીકે નક્કી કરવામાં આવી છે. શુક્રવારે બજાર બંધ સમયે કંપનીના શેરની કિંમત 4.86 ટકાના વધારા સાથે 1940 રૂપિયાના સ્તરે હતી. તમને જણાવી દઈએ કે, કંપની NSE પર લિસ્ટેડ છે.  

Enbee Trade & Finance Ltd: આ પણ એક પેની સ્ટોક છે. કંપની 6 શેર પર 1 શેર બોનસ આપી રહી છે. કંપનીએ આ બોનસ ઇશ્યૂ માટે 24 માર્ચ રેકોર્ડ ડેટ નક્કી કરી છે. આ પેની સ્ટોકની કિંમત 10 રૂપિયાથી ઓછી છે. તમને જણાવી દઈએ કે, કંપનીનું ટ્રેડિંગ હાલ પૂરતું બંધ કરી દેવામાં આવ્યું છે.  

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)