Dividend: 5 કંપનીઓએ ડિવિડન્ડની કરી જાહેરાત, માર્ચ મહિનામાં જ છે રેકોર્ડ ડેટ, જાણો

Dividend Stock:  આ મહિનામાં અનેક  કંપનીઓએ રોકાણકારોને ડિવિડન્ડની ભેટ આપી છે, ત્યારે વધુ 5 કંપનીઓએ ડિવિડન્ડની જાહેરાત કરી છે, આ 5 કંપની રોકાણકારોને માર્ચ મહિનો પુરો થાય તે પહેલા જ ડિવિડન્ડની ભેટ આપશે.   

Samvardhana Motherson International Ltd: કંપનીએ શેરબજારોને આપેલી માહિતીમાં કહ્યું છે કે 1 રૂપિયાના ફેસ વેલ્યુવાળા એક શેર પર 0.50 રૂપિયાનું ડિવિડન્ડ આપવાનો નિર્ણય લેવામાં આવ્યો છે. કંપનીએ આ ડિવિડન્ડ માટે 28 માર્ચને રેકોર્ડ ડેટ જાહેર કરી છે. શુક્રવારે અને 21 માર્ચના રોજ બજાર બંધ થવાના સમયે, કંપનીના શેરનો ભાવ 2.18 ટકા વધીને 131.45 રૂપિયાના સ્તરે પહોંચ્યો હતો.  

Naperol Investments Ltd: કંપનીના શેર 27 માર્ચે એક્સ-ડિવિડન્ડમાં ટ્રેડ થશે. કંપનીએ કહ્યું છે કે પાત્ર રોકાણકારોને પ્રતિ શેર 9 રૂપિયાનું વચગાળાનું ડિવિડન્ડ આપવામાં આવશે. શુક્રવારે, કંપનીના શેરનો ભાવ BSE પર 0.64 ટકાના વધારા સાથે રૂ. 868.50 પર હતો. છેલ્લા 6 મહિનામાં કંપનીના શેરના ભાવમાં 50 ટકાથી વધુનો ઘટાડો જોવા મળ્યો છે. આ શેર છેલ્લા 5 વર્ષથી નકારાત્મક વળતર આપી રહ્યો છે.  

Motherson Sumi Wiring India Ltd: 100 રૂપિયાથી ઓછી કિંમતના શેર માટે, એક શેર પર 0.50 રૂપિયાનું ડિવિડન્ડ આપવામાં આવશે. આ ડિવિડન્ડ માટે, કંપનીએ એક્સચેન્જને જાણ કરી છે કે 28 માર્ચ રેકોર્ડ ડેટ તરીકે નક્કી કરવામાં આવી છે. તમને જણાવી દઈએ કે, શુક્રવારે કંપનીના શેરનો ભાવ 2.78 ટકાના વધારા સાથે 54.28 રૂપિયાના સ્તરે હતો. છેલ્લા એક વર્ષમાં કંપનીના શેરના ભાવમાં 15 ટકાથી વધુનો વધારો થયો છે.  

Bombay Burmah Trading Corporation: કંપની સતત બીજા મહિને એક્સ-ડિવિડન્ડનો વેપાર કરવા જઈ રહી છે. આ વખતે કંપની પ્રતિ શેર 4 રૂપિયાનું વચગાળાનું ડિવિડન્ડ આપશે. કંપનીએ આ ડિવિડન્ડ માટે 27 માર્ચ રેકોર્ડ ડેટ નક્કી કરી છે.

Authum Investment: કંપની રૂ 1 ની ફેસ વેલ્યુ ધરાવતા શેર પર રૂ 1 નું ડિવિડન્ડ ચૂકવી રહી છે. આ માટે 27 માર્ચને રેકોર્ડ ડેટ જાહેર કરવામાં આવી છે. તમને જણાવી દઈએ કે, શુક્રવારે બજાર બંધ થવાના સમયે કંપનીના શેર 1549.45 રૂપિયા પર હતા.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)