PHOTOS: પતિના કારનામાને કારણે આ અભિનેત્રીઓ શરમનો સામનો કરી ચૂકી છે, એક અભિનેત્રીએ તો છૂટાછેડા લીધા

થોડા દિવસ પહેલા નિશા રાવલ લોકોની ચર્ચાનો વિષય બની હતી અને તેની પાછળનું કારણ તેના પતિ કરણ મેહરા હતા. નિશા રાવલે પોતાના પતિ વિરુદ્ધ ઘરેલું દુર્વ્યવહારની ફરિયાદ નોંધાવી હતી. જેનો તેના પતિએ સ્પષ્ટ ઈનકાર કર્યો હતો.

દિવ્યા કુમાર ખોસલાને ત્યારે શર્મશાર થવુ પડ્યું જ્યારે તેના પતિ અને ટી-સિરીઝના માલિક ભૂષણ કુમાર પર એક મૉડલે દુષ્કર્મનો આરોપ લગાવ્યો હતો. જોકે, ભૂષણ કુમારે આ આરોપોને ખોટા ગણાવ્યા હતા અને તેમના ચરિત્ર પર ડાઘ લગાડવા માટે આવી અફવા ફેલાવવામાં આવી હોવાની સ્પષ્ટતા કરી હતી.

સુઝેન ખાનને એક સમયે ઋત્વિક રોશનને કારણે ઘણુ બધુ સાંભળવુ પડ્યુ હતુ. લગ્નજીવનનાં ઘણા વર્ષો બાદ ઋત્વિકનું નામ બાર્બરા મોરી અને કંગના રનૌત સાથે જોડાયુ હતું. આ બધા વિવાદોના પગલે ઋત્વિક અને સુઝૈન અલગ થઈ ગયા. હવે સુઝેન પોતાના ઘરમાં અલગ રહે છે.

ઝરીના વહાબ આદિત્ય પંચોલીની પત્ની છે. આદિત્ય પંચોલી વિશે એક વાત કહેવામાં આવે છે કે આદિત્ય જેટલા ફિલ્મોમાં નથી દેખાયા તેના કરતા વધારે તેઓ વિવાદોમાં ઘેરાયેલા છે. આદિત્ય પંચોલી પર બે વાર દુષ્કર્મનો આરોપ પણ મૂકાયો છે. જેના પગલે તેમના પત્ની ઝરીના વહાબને પણ ઘણી વાતો સાંભળવાનો વારો આવે છે.