કાશ! વિશ્વાસની આ કોશિશ સફળ થઈ હોત તો ભાઈ અજય આજે જીવિત હોત, નવા ઇન્ટરવ્યુમાં ખુલાસો!

40 વર્ષીય વિશ્વાસ રમેશ કુમારનું પૈતૃક ઘર અમદાવાદથી 371 કિ.મી દૂર ભારતના પશ્ચિમ કિનારા પર આવેલા દીવ ગામમાં છે. 18 જૂન 2025 ના રોજ તેમના નાના ભાઈ 35 વર્ષીય અજય કુમારના દીવમાં અંતિમ સંસ્કાર કરવામાં આવ્યા હતા. અમદાવાદ સિવિલ હોસ્પિટલમાંથી રજા મળ્યા બાદ વિશ્વાસે તેમના ભાઈની અંતિમયાત્રા ઉપાડી અને મીડિયા સાથે વાત કરતા વિમાન દુર્ઘટનામાં તેમના બચી જવાની વાસ્તવિક કહાની અને તેમના ભાઈને બચાવવાના તેમના પ્રયાસો વિશે શેર કર્યા હતા.

ભાઈના અંતિમ સંસ્કાર પછી બ્રિટનના અગ્રણી અખબાર ધ સનના અમેરિકન ઓનલાઈન સંસ્કરણને આપેલા ઇન્ટરવ્યુમાં વિશ્વાસ રમેશ કુમારે કહ્યું, "એર ઈન્ડિયા વિમાન દુર્ઘટનામાં ચમત્કારિક રીતે બચી ગયો છું. હું શારીરિક રીતે સ્વસ્થ છું, પરંતુ મને આખી જિંદગી અફસોસ રહેશે કે હું મારા ભાઈ અજયને બચાવી શક્યો નહીં. કાશ! આજે મારા બદલે જીવતો હોત."

વિશ્વાસે કહ્યું, "એર ઇન્ડિયાનું બોઇંગ 787 ડ્રીમલાઇનર વિમાન (VT-ANB) અમદાવાદના સરદાર વલ્લભભાઇ પટેલ આંતરરાષ્ટ્રીય વિમાનમથકથી બપોરે 1:39 વાગ્યે લંડનના ગેટવિક એરપોર્ટ માટે ઉડાન ભરી. ઉડાન ભર્યાની થોડીક સેકન્ડોમાં જ મને ખ્યાલ આવ્યો કે કંઈક ખોટું છે. એવું લાગતું હતું કે વિમાનમાં કંઈક અટવાઈ ગયું છે. લાઇટો ઝબકવા લાગી."

"બધું થોડીક સેકન્ડમાં થયું. એવું લાગતું હતું કે ટેકઓફ પછી વિમાન ઉપર જવાને બદલે નીચે જઈ રહ્યું હતું. અચાનક એક જોરદાર ઝટકા સાથે વિમાન એક બિલ્ડિંગ સાથે અથડાયું અને એક મોટો વિસ્ફોટ થયો. મેં વિચાર્યું કે હવે મારું મૃત્યુ નિશ્ચિત છે. મારી આંખો બંધ થઈ ગઈ. પછી જ્યારે હું ભાનમાં આવ્યો, ત્યારે મેં જોયું કે હું જીવતો હતો અને ચારેબાજુ તબાહી જ તબાહી હતી."

વિમાન દુર્ઘટના પછી આગ ફેલાતાની સાથે જ મેં તરત જ સીટ બેલ્ટ ખોલી નાખ્યો. સદનસીબે વિમાન જ્યાં પડ્યું હતું, ત્યાં જમીન હતી ત્યાં ક્રેશ થયું. ઇમરજન્સી દરવાજો તૂટતાની સાથે જ મેં એક નાનું કાણું જોયું. મેં મારા પગથી બળ લગાવ્યું અને તે કાણામાંથી બહાર નીકળી ગયો. વિમાનમાં સવાર બાકીના 241 લોકો મૃત્યુ પામ્યા. આજે પણ હું સમજી શકતો નથી કે હું કેવી રીતે બચી ગયો!"

વિશ્વાસ રમેશે કહ્યું, "હું અકસ્માત સ્થળથી દોડીને બહાર નીકળ્યો અને બી.જે. મેડિકલ કોલેજ કેમ્પસમાંથી બહાર આવ્યો. હું મારા ભાઈ અજયને શોધવા માટે આગમાં પાછો જવા માંગતો હતો, પરંતુ ત્યાં સુધીમાં આગનો એક મોટો ગોળો હોસ્ટેલની દિશામાં ફેલાઈ ગયો હતો. ત્યારબાદ ફાયર બ્રિગેડ અને એમ્બ્યુલન્સ ત્યાં પહોંચી ગઈ. મને એક માઈલ દૂર અમદાવાદ સિવિલ હોસ્પિટલમાં લઈ જવામાં આવ્યો, જ્યાંથી સારવાર બાદ મંગળવારે મને રજા આપવામાં આવી હતી."

વિશ્વાસ રમેશે કહ્યું, "હું ઇચ્છતો હતો કે અજય મારી બાજુની સીટ પર બેસે. મને 11-A સીટ ફાળવવામાં આવી હતી, પરંતુ અજય માટે બાજુની સીટ બુક કરવાનો પ્રયાસ કર્યો, જે પહેલાથી જ કોઈ બીજાને ફાળવવામાં આવી હતી. અમે એક જ હરોળમાં હતા, પરંતુ આઠ સીટનું અંતર હતું. જો આપણે સાથે બેઠા હોત, તો કદાચ આપણે તેને બચાવી શક્યા હોત. આ વાત માટે હું હંમેશા દોષિત અનુભવતો રહીશ."

વિશ્વાસ અને અજયના માતા-પિતાનું નામ બાવા અને મીનભાઈ છે. પરિવારમાં ચાર ભાઈઓ છે - વિશ્વાસ, અજય, સન્ની અને નીલ. દરિયા કિનારે સ્થાયી થયેલો આ પરિવાર માછીમારીનો વ્યવસાય કરે છે અને ઘણી બોટ ધરાવે છે. ચોમાસા દરમિયાન માછીમારી બંધ થઈ જાય છે, તેથી વિશ્વાસ અને અજયે લંડનમાં કપડાનો વ્યવસાય શરૂ કર્યો. તેઓ ઋતુ પ્રમાણે દીવ અને લંડનમાં રહે છે. વિશ્વાસ રમેશ કુમાર પાસે બ્રિટિશ નાગરિકતા પણ છે.

12 જૂન 2025ના રોજ બપોરે એર ઇન્ડિયાની ફ્લાઇટ AI-171 ટેકઓફ થયાના થોડા સમય પછી અમદાવાદના મેઘનાનીનગર વિસ્તારમાં મેડિકલ કોલેજ અને હોસ્ટેલ બિલ્ડિંગ સાથે ક્રેશ થઈ ગઈ. વિમાનમાં કુલ 242 લોકો સવાર હતા - બે પાઇલટ (સુમિત સભરવાલ અને ક્લાઇવ કુંદર), 10 ક્રૂ મેમ્બર્સ અને 230 મુસાફરો.  

ફક્ત વિશ્વાસ રમેશ કુમાર જ બચી ગયા બાકીના બધા માર્યા ગયા. મૃતકોમાં તેમના ભાઈ અજય કુમાર, ગુજરાતના ભૂતપૂર્વ મુખ્યમંત્રી વિજય રૂપાણી અને મેડિકલના વિદ્યાર્થીઓ માનવ, આર્યન, રાકેશ, જયપ્રકાશ અને અન્ય ઘણા લોકોનો સમાવેશ થાય છે. વિમાનનું બ્લેક બોક્સ મળી આવ્યું છે. તેનો તપાસ રિપોર્ટ આવ્યા પછી અમદાવાદ વિમાન દુર્ઘટનાના કારણો જાણી શકાશે.