Besan Face Packs: ચણાના લોટમાં કઈ કઈ વસ્તુઓ ભેળવી ચહેરા પર લગાડી શકાય ? આ રહ્યો જવાબ

ચણાના લોટમાં હળદર મિક્સ કરીને લગાડવાથી સ્કિન સાફ થાય છે. 2 ચમચી ચણાના લોટમાં ચપટી હળદર મિક્સ કરવી અને ચહેરા તેમજ ગળા પર લગાડો. આ પેસ્ટને રોજ લગાડશો તો ચહેરા પર ચાંદ જેવો નિખાર દેખાશે.  

2 ચમચી ચણાના લોટમાં 1 ચમચી દહીં ઉમેરી પેસ્ટ બનાવો. આ પેસ્ટને ચહેરા તેમજ ગરદન પર અપ્લાય કરો. આ પેસ્ટ લગાડવાથી ચહેરાના ડાઘ દુર થશે અને ત્વચાની રંગત સાફ થશે.   

ચણાના લોટમાં ગુલાબજળ મિક્સ કરી લગાડવાથી ત્વચાને ઠંડક મળે છે. તેનાથી તડકાના કારણે ડેમેજ થયેલી સ્કિન રીપેર ઝડપથી થાય છે. આ ફેસપેક પણ રોજ લગાડી શકાય છે.   

ચણાના લોટમાં દૂધ ઉમેરી ફેસપેક બનાવો અને તેને ચહેરા તેમજ ગરદન પર લગાડો. 10 થી 15 મિનિટ પછી હળવા હાથે મસાજ કરી ફેસપેકને સાફ કરો. તેનાથી સ્કિનમાં છુપાયેલી ગંદકી પણ સાફ થશે અને સ્કિન પર તુરંત ગ્લો દેખાશે.  

ચણાના લોટમાં એલોવેરા જેલ મિક્સ કરી ચહેરા પર લગાડો. તેનાથી સ્કિન પર નિખાર વધે છે અને સાથે જ ખીલ મટે છે.