દુનિયાની આ જગ્યા પર નથી જઈ શકતી મહિલીઓ, ભારતનું આ ધાર્મિક સ્થળ પણ છે સામેલ; જાણો કારણ

આજે પણ વિશ્વના કેટલાક ભાગોમાં કેટલીક જગ્યાઓ મહિલાઓ માટે પ્રતિબંધિત છે. આ માત્ર ભારતના પ્રખ્યાત સબરીમાલા મંદિર સુધી સીમિત નથી, પરંતુ વિશ્વભરમાં એવી ઘણી જગ્યાઓ છે જ્યાં મહિલાઓના જવા પર પ્રતિબંધ છે.

આ ક્લબ અમેરિકાના મેરીલેન્ડમાં આવેલી છે અને માત્ર પુરુષો માટે છે. બર્નિંગ ટ્રી ક્લબ એક ગોલ્ફ ક્લબ છે, જ્યાં દરેક રાષ્ટ્રપતિ અને મુખ્ય ન્યાયાધીશને સભ્યપદ આપવામાં આવ્યું છે. જો કે, હજુ પણ મહિલાઓ આ ક્લબમાં પ્રવેશી શકતી નથી. ક્લબ તેની પરંપરાઓ અને પુરુષ વર્ચસ્વ માટે જાણીતી છે.

ગ્રીસમાં માઉન્ટ એથોસ એક એવી જગ્યા છે, જ્યાં 1000 વર્ષથી મહિલાઓ પર પ્રતિબંધ છે. આ સ્થાન ઓર્થોડોક્સ ચર્ચનું ઘર છે અને માત્ર 100 રૂઢિચુસ્ત પુરુષો અને 10 બિન-ઓર્થોડોક્સ પુરુષોને પ્રવેશની મંજૂરી છે. માઉન્ટ એથોસમાં મહિલાઓના પ્રવેશવાની સખત પ્રતિબંધ છે અને આ પ્રાચીન પરંપરા આજ સુધી ચાલુ છે.

કેરળના પ્રખ્યાત સબરીમાલા મંદિરમાં મહિલાઓના પ્રવેશ પર પ્રતિબંધ છે. આ મંદિરમાં 10 થી 50 વર્ષ સુધીની મહિલાઓને જવાની મનાઈ છે. કારણ કે, આ મંદિર ભગવાન અયપ્પનને સમર્પિત છે, જે બ્રહ્મચારી છે. તેથી જ મહિલાઓ અહીં નથી જતી.

જાપાનના ઓકિનોશિમા દ્વીપમાં પણ મહિલાઓને પ્રવેશવાની મનાઈ છે. આ ટાપુ એક યુનેસ્કોની વર્લ્ડ હેરિટેજ સાઇટ છે, જ્યાં શિંટો પરંપરાઓને કારણે મહિલાઓને પ્રવેશ પર પ્રતિબંધ છે. શિંટો પરંપરા એ બૌદ્ધ ધર્મ, કન્ફ્યુશિયનિઝમ, તાઓવાદ અને ચીની સંસ્કૃતિનું મિશ્રણ છે અને આ પરંપરાનું અહીંના લોકો ચુસ્તપણે પાલન કરે છે.