બ્રોકરેજ ફર્મે આપી ચેતવણી અને ટાટાનો શેર થયો ધડામ, શેરમાં ભારે ઘટાડો

TATA Share Down: આજે એટલે કે 24 માર્ચના રોજ ટાટા ગ્રુપની કંપનીના શેર 3% ઘટીને 3,076.70 રૂપિયા પર આવી ગયા. આ ઘટાડો ત્યારે થયો જ્યારે બ્રોકરેજ ફર્મ એમ્બિટે ચેતવણી આપી હતી કે ચોથા ક્વાર્ટરમાં કંપનીનો વિકાસ દર ધીમો પડી શકે છે. છેલ્લા 6 મહિનામાં, આ શેરમાં 18% થી વધુનો ઘટાડો થયો છે, જ્યારે નિફ્ટી 50 ઇન્ડેક્સમાં સમાન સમયગાળામાં ફક્ત 9% નો ઘટાડો જોવા મળ્યો છે.  

ખાનગી પોર્ટલે પોતાના અહેવાલમાં એમ્બિટને ટાંકીને જણાવ્યું છે કે તનિષ્કના ફેબ્રુઆરી અને માર્ચમાં રેવન્યૂ ગ્રોથ નબળી પડી રહી છે. આનાથી ચોથા ક્વાર્ટરના વિકાસ દર અંગે ચિંતા વધી છે. એમ્બિટે ચોથા ક્વાર્ટરમાં 22% વૃદ્ધિની ભવિષ્યવાણી કરી હતી અને અંદાજ મુજબ 29% વૃદ્ધિ જણાવી હતી. જો રિયલ ગ્રોથ રેટ 15-18% ની વચ્ચે રહે છે, તો FY26 અને FY27 કમાણીના અંદાજમાં 2-3% ઘટાડો થવાની ધારણા છે.  

બ્રોકરેજ કંપનીએ એમ પણ કહ્યું કે નજીકના ભવિષ્યમાં આવકના દબાણ અને માર્જિનમાં સુધારા અંગે અનિશ્ચિતતા રહે છે. ટાઇટનનું વર્તમાન મૂલ્યાંકન (FY27 ની અંદાજિત કમાણીના 50x) મોંઘું લાગે છે. આ કારણોસર, એમ્બિટે Nykaa અને Sapphire ને વધુ સારા સ્ટોક્સ તરીકે સ્થાન આપ્યું છે.  

આ નાણાકીય વર્ષના ત્રીજા ક્વાર્ટરમાં ટાઇટનનો ચોખ્ખો નફો 5% ઘટીને ₹990 કરોડ થયો છે. સોના પર કસ્ટમ ડ્યુટીમાં ઘટાડાને કારણે આ ઘટાડો થયો છે. જોકે, આવક 23% વધીને ₹16,097 કરોડ થઈ. EBITDA ₹1,510 કરોડ હતો, અને માર્જિન 9.4% રહ્યું છે.  

ટાઇટનના મેનેજમેન્ટે જણાવ્યું હતું કે ચોથા ક્વાર્ટરની શરૂઆત મજબૂત રહી હતી, પરંતુ જાન્યુઆરીના પહેલા ત્રણ અઠવાડિયામાં વૃદ્ધિ દર ધીમો પડી ગયો હતો. આનું કારણ સોનાના ભાવમાં ઝડપી વધારો હોવાનું કહેવાય છે.  

(Disclamar: આ એક્સપર્ટના પોતાના અંગત મંતવ્ય છે, Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે.)