કિડા જેવી દેખાતી આ જડીબુટ્ટી મળી જશે તો થઈ જશો લખપતિ, આ બીમારીનો છે કાળ!

કિડા જડી એક એવી જડીબુટ્ટી છે જેનો ઉપયોગ લાંબા સમયથી પરંપરાગત દવામાં કરવામાં આવે છે. તે ખાસ કરીને હિમાલય પ્રદેશ અને તિબેટમાં જોવા મળે છે. તેને "હિમાલયની અદ્ભૂત જડીબુટ્ટી" પણ કહેવામાં આવે છે. કિડા જડીને હેલ્થ અને લાઈફસ્ટાઈલ સાથે જોડાયેલી અલગ-અલગ સમસ્યાઓના ઉકેલ તરીકે ઉપયોગ કરવામાં આવે છે. તેના ઘણા ફાયદા છે, પરંતુ તેના કેટલાક ગેરફાયદા પણ હોઈ શકે છે, જેના વિશે જાણવું મહત્વપૂર્ણ છે.

જીબી પંત નેશનલ ઇન્સ્ટિટ્યૂટ ઓફ હિમાલયન એન્વાયર્નમેન્ટ દ્વારા મે 2020માં કરાયેલા એક રિસર્ચમાં જણાવાયું છે કે, તેનો ઉપયોગ અનેક બીમારીઓ જેવી કે,ઝાડા, માથાનો દુખાવો, ઉધરસ, સંધિવા, અસ્થમા, પલ્મોનરી ડિસીઝ, કાર્ડિયક ડિસઓર્ડર, જાતીય રોગો, કિડની અને કિડનીના રોગો જેવા ઘણી બીમારીઓની સારવાર માટે સદીઓથી ચીની પરંપરાગત દવા અને ભૂટાનની સ્વદેશી દવામાં કરવામાં આવે છે. એવું કહેવાય છે કે, ચીને 1964માં તેને સત્તાવાર રીતે દવા તરીકે ચિહ્નિત કર્યું હતું.  

તમને જાણીને નવાઈ લાગશે કે, કીડા જડીની કિંમત લાખોમાં છે. જીબી પંત નેશનલ હિમાલયન એન્વાયર્નમેન્ટ ઇન્સ્ટિટ્યૂટના રિપોર્ટ મુજબ એક કિલોગ્રામ કીડા જડીની કિંમત લગભગ 23 લાખ રૂપિયા છે અને તેની કિંમત દિવસેને દિવસે વધી રહી છે. તે હિમાલયના પ્રદેશમાં જોવા મળે છે અને તેના મૂળનો ઉપયોગ થાય છે, જે જમીનની અંદર જોવા મળે છે. તેનું મૂળ કીડા જેવું દેખાય છે. તેથી તેને કીડા જડી કહેવામાં આવે છે.

કિડા જડીને એનર્જીનો એક નેચરલ સ્ત્રોત માનવામાં આવે છે. તે શરીરની સહનશક્તિ વધારે છે, જેના કારણે એથલિટ્સ અને ફિટનેસના શોખીનોમાં તેની ડિમાન્ડ વધી છે. કેટલાક સંશોધનો સૂચવે છે કે, તે શરીરમાં ઓક્સિજનનો પુરવઠો સુધારે છે, જે થાક ઘટાડે છે.

કીડા જડીમાં એન્ટીઓકિસડન્ટ અને અન્ય પોષક તત્વો હોય છે, જે શરીરની રોગપ્રતિકારક શક્તિને મજબૂત બનાવે છે. આ જડીબુટ્ટી સંક્રમણથી બચાવવામાં મદદ કરી શકે છે અને શરીરને બીમારી સામે લડવાની તાકાત આપે છે.

Disclaimer: પ્રિય વાચક, અમારા સમાચાર વાંચવા બદલ આભાર. આ સમાચાર ફક્ત તમને જાગૃત કરવા માટે લખવામાં આવ્યા છે. આ લખવામાં અમે ઘરેલું ઉપચાર અને સામાન્ય માહિતીની મદદ લીધી છે. Zee 24 કલાક આ વાતની પુષ્ટિ કરતું નથી.