વર્ષમાં માત્ર 5 કલાક ખૂલે છે આ મંદિર, માતાનું ધામ છતાં મહિલાઓને નો એન્ટ્રી, પ્રસાદ પણ ખાઈ શક્તી નથી

છત્તીસગઢના ગરિયાબંદ જિલ્લાથી 12 કિલોમીટર દૂર પહાડી પર આવેલું નીરાઈ માતાનું મંદિર પોતાની અંદર ઘણા રહસ્યો ધરાવે છે. મંદિરના ઘણા નિયમો છે જે તેને અનન્ય બનાવે છે. આ મંદિરમાં મહિલાઓ માટે ઘણા નિયમો બનાવવામાં આવ્યા છે.

કહેવાય છે કે આ મંદિર વર્ષમાં માત્ર પાંચ કલાક જ ખુલે છે અને આ પાંચ કલાક દરમિયાન જેટલી ભક્તોની ભીડ જોવા મળે છે એટલી ભાગ્યે જ કોઈ અન્ય મંદિરમાં જોવા મળે છે. દરેક ભક્ત અહીં રહસ્યોથી ભરેલી વાર્તાઓ જાણવા અને સમજવા આવે છે.

સામાન્ય મંદિરોમાં માતાને સિંદૂર, કુમકુમ, ગુલાલ જેવી વિવાહ સંબંધિત વસ્તુઓ ચઢાવવામાં આવે છે, પરંતુ અહીં આ બધી વસ્તુઓ પર પ્રતિબંધ છે, તેના બદલે દેવીને નારિયેળ અને અગરબત્તી ચઢાવાય છે.  

કોઈપણ દિવસે મંદિરના દરવાજા ખુલે છે, ભક્તોને 5 કલાક એટલે કે સવારે 4 વાગ્યાથી સવારે 9 વાગ્યા સુધી માતાના દર્શન કરવાની છૂટ છે. બાકીના 364 દિવસો માટે મંદિર બંધ રહે છે.  

સામાન્ય રીતે મંદિરોમાં મહિલાઓના પ્રવેશ પર પ્રતિબંધ નથી. પરંતુ આ મંદિરમાં મહિલાઓના પ્રવેશ પર પ્રતિબંધ છે. મહિલાઓને નીરાઈ માતાના મંદિરમાં પ્રવેશવાની મંજૂરી નથી. એટલું જ નહિ, આ મંદિરનો પ્રસાદ મહિલાઓ પણ ખાઈ શકતી નથી.

આ મંદિરનું સૌથી મોટું રહસ્ય એ છે કે ચૈત્ર નવરાત્રી દરમિયાન મંદિરમાં લાઈટ આપોઆપ પ્રગટે છે, આજ સુધી કોઈ સમજી શક્યું નથી કે આ ચમત્કાર કેવી રીતે થાય છે. વર્ષમાં એકવાર ખુલતા આ મંદિરમાં હજારો ભક્તો આવે છે.