રાત્રે સૂતી વખતે દેખાય છે ડાયાબિટીસના લક્ષણો, નજરઅંદાજ કરશો તો ભારે પડશે!

રાત્રે વારંવાર પેશાબ જવું પડે તો તે ડાયાબિટીસનો સંકેત હોઈ શકે છે. તેવામાં જે લોકોને રાતના સમયે વધુ પેશાબ આવે છે તેણે બ્લડ સુગરની તપાસ કરાવવી જોઈએ. શરીરમાં જ્યારે બ્લડ સુગરનું લેવલ વધે છે તો કિડની પેશાબ દ્વારા તેને શરીરમાંથી બહાર કાઢવામાં મદદ કરે છે, તેથી વારંવાર પેશાબ લાગે છે.

જો તમને રાત્રે સૂવા સમયે વારંવાર તરસ લાગે છે તો તે ડાયાબિટીસનો સંકેત હોઈ શકે છે. કારણ કે બ્લડ સુગર લેવલ વધવાથી શરીરમાં પાણીની કમી થઈ શકે છે, જેથી મોઢું સૂકાવા લાગે છે અને તરસ લાગે છે. જો તમને પણ રાત્રે વારંવાર તરસ લાગે છે તો તમારે બ્લડ સુગરની તપાસ કરાવી લેવી જોઈએ.

જો તમને રાત્રે પંખા કે એસીમાં રહેવા છતાં પણ પરસેવો આવે છે તો તેની અવગણના ન કરવી જોઈએ. આ ડાયાબિટીસની નિશાની હોઈ શકે છે. રાત્રે અતિશય પરસેવો એ હાઈ બ્લડ શુગરની નિશાની હોઈ શકે છે. જો તમને રાત્રે સૂતી વખતે પરસેવો અથવા ચીકણો લાગે છે, તો તમારે તમારું શુગર લેવલ તપાસવું જોઈએ.

જો તમને વારંવાર રાત્રે હાથ-પગમાં કળતર અથવા દુખાવાની સમસ્યા રહેતી હોય તો તે ડાયાબિટીસનું લક્ષણ હોઈ શકે છે. હાથ-પગમાં કળતરને અવગણવી ન જોઈએ. તમારે ડૉક્ટરની સલાહ લેવી જોઈએ.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગરૂત કરવાના ઈરાદાથી લખવામાં આવ્યા છે. અમે તેને લખવામાં ઘરેલુ નુસ્ખા અને સામાન્ય જાણકારીની મદદ લીધી છે. તમે સ્વાસ્થ્ય સાથે જોડાયેલા કોઈ ઉપાય અજમાવતા પહેલા ડોક્ટરની સલાહ લો.