Recipe: આ 4 સ્ટેપ ફોલો કરી ઘરે બનાવી શકો છો માવો, મીઠાઈ માટે બજારમાંથી માવો લેવો નહીં પડે

ઘરે માવો બનાવવો એકદમ ઈઝી છે. તેના માટે 1 કપ મિલ્ક પાવડર, અડધો કપ દૂધ, 2 મોટી ચમચી દેશી ઘીની જ જરૂર પડશે.   

એક પેનને ગેસ પર ધીમા તાપે ગરમ કરો અને તેમાં ઘી ઉમેરો. ઘી ગરમ થઈ જાય પછી તેમાં દૂધ ઉમેરો અને હલાવતા રહો. દૂધમાં ઉભરો આવી જાય એટલે સમજી લેવું કે ઘી દૂધમાં ભળી ગયું છે. 

આ સ્ટેજ પર ગેસ સ્લો કરી દૂધમાં મિલ્ક પાવડર ઉમેરો અને સાથે દૂધને ચલાવતા પણ રહો જેથી ગાંઠા પડી ન જાય. દૂધમાં મિલ્ક પાવડર સારી રીતે ભળી જાય ત્યાં સુધી હલાવો.  

આ સ્ટેજ પર ગેસ સ્લો જ રાખવો અને સ્લો ગેસ પર માવાને બરાબર શેકાવા દો. માવામાં દાણા દેખાવા લાગે અને માવો પેનની સાઈડ છોડવા લાગે એટલે માવો રેડી છે.

ગેસ બંધ કરી માવાને એક વાસણમાં કાઢી 3 કલાક સુધી ઠંડો થવા લો. માવો ઠંડો થઈ જાય પછી તમે તેનો ઉપયોગ કરી શકો છો. આ માવાને સ્ટોર કરીને રાખી પણ શકો છો.