ભારતનું તે હિલ સ્ટેશન જ્યાં વિદેશીઓની એન્ટ્રી પર છે પ્રતિબંધ! શાનદાર છે નજારો, જાણો ખાસ વાતો

ઉત્તરાખંડમાં આવેલા એક સુંદર હિલ સ્ટેશનમાં માત્ર ભારતીયો પ્રવેશ કરી શકે છે. અમે વાત કરી રહ્યાં છીએ ચકરાતાની... ભારતનું મિની સ્વિત્ઝર્લેન્ડ તેને કહેવામાં આવે છે.

 

1866માં અંગ્રેજોએ તેને વસાવ્યું હતું. તે દિવસોમાં ઈસ્ટ ઈન્ડિયા કંપનીના અધિકારીઓ ઉનાળાની રજાઓ ગાળવા અહીં આવતા હતા. બાદમાં 1869માં તેને કેન્ટોનમેન્ટ બોર્ડને સોંપવામાં આવ્યું હતું. આજે ભારતીય સેનાનો એક મહત્વપૂર્ણ કેમ્પ ચકરાતામાં સ્થિત છે. સુરક્ષાના કારણોસર આ વિસ્તારમાં વિદેશી નાગરિકોના પ્રવેશ પર સંપૂર્ણ પ્રતિબંધ લગાવી દેવામાં આવ્યો છે.

જો તમે ચકરાતા જાવ છો તો તમે ટાઈગર ફોલ્સને મિસ કરી શકતા નથી. આ ધોધ પોતાની અંદર કુદરતી સૌંદર્ય ધરાવે છે. અહીં આવીને તમે શહેરની ધમાલથી દૂર થોડી શાંતિપૂર્ણ ક્ષણો વિતાવી શકો છો.

ચકરાતાથી લગભગ 30 કિલોમીટર દૂર આવેલી બુધેર ગુફા એક ઐતિહાસિક અને સાહસિક સ્થળ છે. આ સ્થળ ટ્રેકિંગ, હાઇકિંગ અને કેમ્પિંગ માટે ખૂબ જ લોકપ્રિય છે.

ચકરાતાનું સૌથી ઊંચું શિખર ચિલમીરી નેક છે, જે ચારે બાજુ દેવદાર અને પાઈન વૃક્ષોથી ઘેરાયેલું છે. અહીંથી તમે હિમાલયની સુંદરતા જોઈ શકો છો. ટ્રેકર્સ માટે આ જગ્યા ખૂબ જ ખાસ છે.

દિલ્હીથી ચકરાતાનું અંતર લગભગ 300 કિમી છે. છે. તમે તમારી કારમાં રોડ દ્વારા અહીં જઈ શકો છો. આ સિવાય અહીંથી દહેરાદૂન સુધી ટ્રેન દ્વારા અને ત્યાંથી ટેક્સી દ્વારા પણ પહોંચી શકાય છે.