ગુજરાતના 20 જિલ્લામાં વીજળીના કડાકા-ભડાકા સાથે વરસાદનું એલર્ટ, આ તારીખ ચોમાસાની થશે વિધિવત શરૂઆત

છેલ્લા કેટલાક દિવસોથી ગુજરાતના કેટલાક ભાગોમાં ભારે ગરમી પડી રહી છે. જ્યારે કેટલાક વિસ્તારોમાં છૂટાછવાયો કમોસમી વરસાદ પણ પડી રહ્યો છે. હવામાન વિભાગે 24 મે સુધી રાજ્યમાં ગાજવીજ સાથે હળવાથી મધ્યમ વરસાદની આગાહી કરી છે. આજે રાજકોટ, સુરત, બનાસકાંઠા, મહિસાગર, વડોદરા સહિત અનેક જિલ્લાઓમાં છૂટાછવાયા વરસાદની શક્યતા વ્યક્ત કરવામાં આવી છે. હવામાન વિભાગે આગામી સાત દિવસ ગુજરાતમાં વરસાદની આગાહી કરી છે. ઉત્તર અને દક્ષિણ ગુજરાતમાં વરસાદની આગાહી છે. ઉત્તરપૂર્વીય અરબી સમુદ્ર પર વરસાદી સિસ્ટમ સક્રિય છે. ઉપરની હવામાં પણ ચક્રવાતી પરિભ્રમણ સક્રિય છે. ગાજવીજ સાથે હળવાથી મધ્યમ વરસાદની આગાહી છે.

હવામાન વિભાગના જણાવ્યા અનુસાર આજે 19 મે 2025ના રોજ રાજકોટ, અમરેલી, ભાવનગર, ગીર સોમનાથ, સાબરકાંઠા, અરવલ્લી, મહિસાગર, પંચમહાલ, ખેડા, આણંદ, વડોદરા, દાહોદ, છોટા ઉદેપુર, ભરૂચ, નર્મદા, સૂરત, તાપી, નવસારી, ડાંગ અને વલસાડ જિલ્લામાં અલગ-અલગ સ્થળોએ હળવાથી મધ્યમ વરસાદની આગાહી છે.

20 મે 2025ના રોજ રાજકોટ, બોટાદ, અમરેલી, ભાવનગર, ગીર સોમનાથ, આણંદ, ખેડા, અરવલ્લી, સાબરકાંઠા, મહિસાગર, પંચમહાલ, દાહોદ, છોટા ઉદેપુર, વડોદરા, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લામાં હળવાથી મધ્યમ વરસાદની શક્યતા છે.

21મી મેના રોજ વડોદરા, ભરૂચ, નર્મદા, સુરત, વલસાડ, છોટા ઉદેપુર, તાપી, નવસારી, ડાંગ જિલ્લામાં ગાજવીજ સાથે હળવા વરસાદ થવાની સંભાવના છે.

22 મે 2025ના રોજ સુરેન્દ્રનગર, બોટાદ, રાજકોટ, અમરેલી, ભાવનગર, ગીર સોમનાથ, જૂનાગઢ, પોરબંદર, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડમાં મોટાભાગના સ્થળોએ હળવાથી મધ્યમ વરસાદની સંભાવના છે. જ્યારે બનાસકાંઠા, પાટણ, મહેસાણા, સાબરકાંઠા, ગાંધીનગર, અમદાવાદ, ખેડા, આણંદ, પંચમહાલ, દાહોદ, મહિસાગર અને અરવલ્લી જિલ્લામાં હળવાથી મધ્યમ વરસાદની શક્યતા છે.

23મી મે 2025ના રોજ બોટાદ, રાજકોટ, અમરેલી, ભાવનગર, ગીર સોમનાથ, જૂનાગઢ, પોરબંદર, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડમાં મોટાભાગના સ્થળોએ હળવાથી મધ્યમ વરસાદની શક્યતા છે. બનાસકાંઠા, પાટણ, મહેસાણા, સાબરકાંઠા, ગાંધીનગર, અમદાવાદ, ખેડા, આણંદ, પંચમહાલ, દાહોદ, મહિસાગર, અરવલ્લી અને કચ્છ જિલ્લામાં છૂટાછવાયા વરસાદની શક્યતા છે.

24મી મે 2025ના રોજ બોટાદ, રાજકોટ, અમરેલી, ભાવનગર, ગીર સોમનાથ, જૂનાગઢ, પોરબંદર, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, બનાસકાંઠા, પાટણ, મહેસાણા, સાબરકાંઠા, ગાંધીનગર, અમદાવાદ, ખેડા, આણંદ, પંચમહાલ, દાહોદ, મહિસાગર અને અકવલ્લી જિલ્લામાં મોટાભાગના સ્થળોએ હળવાથી મધ્યમ વરસાદની આગાહી છે. જ્યારે કચ્છમાં છૂટાછવાયા વરસાદની શક્યતા છે.

હવામાન વિભાગે જણાવ્યું છે કે, આ વર્ષે દક્ષિણ પશ્ચિમ ચોમાસું આગાહી પહેલાં ગુજરાતમાં પ્રવેશ કરે તેવી શક્યતા છે. સામાન્ય રીતે ચોમાસુ 15 જૂને ગુજરાતમાં પહોંચે છે. જો કે, આ વર્ષે તે 4 દિવસ વહેલું, 10 કે 11 જૂનની આસપાસ પહોંચશે. તેની અસર 12 જૂનની આસપાસ ગુજરાતમાં દેખાશે અને એટલું જ નહીં, તે ખૂબ જ ટૂંક સમયમાં સમગ્ર રાજ્યને આવરી લેશે.