જે ડ્રોનથી દુશ્મનનો ખાતમો કરે છે ઈઝરાયલ, તેનાથી જ ભારતે ઉડાવી દીધી પાકિસ્તાનની એર ડિફેન્સ સિસ્ટમ; જાણો શું છે તેની ખાસિયત અને તાકાત

હારોપ ડ્રોન દેખરેખ પણ રાખે છે અને જરૂર પડવા પર પોતે જ ટાર્ગેટ સાથેઅથડાઈને મોટો વિસ્ફોટ કરે છે. આ ડ્રોન દુશ્મનની એર ડિફેન્સ સિસ્ટમનો નાશ કરવા માટે જાણીતું છે.

હારોપ ડ્રોન ઇઝરાયલ એરોસ્પેસ ઇન્ડસ્ટ્રીઝ (IAI) દ્વારા બનાવવામાં આવ્યું છે અને તે તેમના HARPY ડ્રોનનું નવું વર્ઝન છે. આ ઇઝરાયલી ડ્રોન 9 કલાક સુધી ઉડી શકે છે અને 1 હજાર કિલોમીટર સુધી ઓપરેશન કરી શકે છે.

જો કે, હારોપ ડ્રોન પોતાની મેળે કામ કરે છે, પરંતુ ઓપરેટરને હુમલાને રોકવા અથવા બદલવાનો વિકલ્પ પણ આપે છે.

તેની ઘણી ખાસ વિશેષતાઓમાંથી એક એ છે કે, જો મિશન અચાનક બદલાઈ જાય છે તો ઓપરેટર તેનો ટાર્ગેટ પણ બદલી શકે છે.

હારોપ ઇલેક્ટ્રો-ઓપ્ટિકલ, ઇન્ફ્રારેડ (IR) અને એન્ટી-રડાર સિસ્ટમથી સજ્જ છે, જેનાથી તે દુશ્મનને સરળતાથી ઓળખી શકે છે. HAROPનો ઉપયોગ સેના, નૌકાદળ, શહેરી લડાઇ અને આતંકવાદ વિરોધી મિશનમાં થઈ શકે છે.

આ ડ્રોનની ક્ષમતા વિશે વાત કરીએ તો તે 23 કિલો વિસ્ફોટકો લઈને ઉડે છે, જેની મદદથી તે રડાર, મિસાઇલ સિસ્ટમ અને આતંકવાદી ઠેકાણાઓનો નાશ કરી શકે છે.