ગુજરાતમાં ચોમાસાની ધમાકેદાર એન્ટ્રી થતા જ આવી અતિભારે વરસાદની આગાહી, અંબાલાલે આપી તારીખ

આજથી રાજ્યભરમાં જામશે વરસાદી માહોલ 

હવામાન વિભાગે ગુજરાતમાં વરસાદના આગમન સાથે ભારે વરસાદની આગાહી કરી છે. 15થી 18 જૂન સુધી વરસાદી એક્ટિવિટી વધશે. 15 અને 16 જૂને ભારે પવન ફૂંકાવાનું એલર્ટ છે. 16 અને 17 જૂને ભારે પવન સાથે વરસાદ આવશે. માછીમારોને હાલ દરિયો ન ખેડવા સૂચના અપાઈ છે.  

ગુજરાતમાં ચોમાસાની શરૂઆત - અંબાલાલ પટેલ 

હવામાન આગાહીકાર અંબાલાલની ચોમાસાની આગાહી આવી છે. કેટલાક ભાગોમાં ભારે વરસાદની આગાહી છે. અંબાલાલ પટેલે જણાવ્યું કે, કેટલાક સાયક્લોનિક સર્કલયુશેનના કારણે 18 જુન થી 24 જુને ઉત્તર ગુજરાતમાં ભારે વરસાદની આગાહી છે. મધ્ય ગુજરાતમાં પણ ભારે વરસાદની આગાહી છે. 

ક્યાં ક્યાં વરસાદ આવશે 

વડોદરા, પંચમહાલ અને આણંદની આગાહી છે. દક્ષિણ ગુજરાતમાં સુરત, નવસારી, વલસાડ અને ભરૂચમાં ભારે વરસાદની આગાહી છે. સૌરાષ્ટ્રના કેટલાકમાં ભાગોમાં વરસાદની આગાહી છે. મધ્યપ્રદેશના બોર્ડર જિલ્લામાં ભારે વરસાદની આગાહી છે. 22 તારીખથી બંગાળમાં સિસ્ટમમાં સક્રિય થતા ગુજરાતમા 24 થી 30 ગુજરાતમા વરસાદની આગાહી છે. 

ગુજરાતમાં ચોમાસું બેઠું 

ગુજરાતના 104 તાલુકામાં વિધિવત ચોમાસું બેઠું છે. હવામાન વિભાગે 18 જૂન સુધી રાજ્યમાં ભારે વરસાદની આગાહી છે. ચોમાસું 25 જૂન સુધી દેશના મોટાભાગના વિસ્તારોને આવરી લેશે. મધ્ય ભારતના કેટલાક બાકીના ભાગો ઉપરાંત પૂર્વમાં ચોમાસાનો 18 જૂન સુધીમાં સત્તાવાર પ્રારંભ થઈ શકે છે. 

ગત સાંજે રાજ્યમાં ભારે ગાજવીજ સાથે ત્રાટકેલા વરસાદે 6 લોકોના જીવ લીધા છે. દાહોદમાં વીજળી પડતાં 2 લોકોનાં મોત થયા છે. તો સુરત, પંચમહાલ, રાજકોટ અને છોટાઉદેપુરમાં વીજળીથી 4 લોકોનાં મોત થયા છે.