કડાકા-ભડાકા અને ગાજવીજ સાથે વરસાદની આગાહી, હજુ આ જિલ્લાઓમાં છે ખતરો

રાજ્યના હવામાન વિભાગે જણાવ્યું કે આગામી ચાર દિવસમાં રાજ્યના હવામાનમાં પલટો આવશે. સાયકલોનિક સર્ક્યુલેશન સિસ્ટમ સક્રિય થવાને કારણે કમોસમી વરસાદની સંભાવના છે.

હવામાન વિભાગે કહ્યું કે આગામી ચાર દિવસ દરમિયાન રાજ્યમાં વીજળીના કડાકા-ભડાકા અને ગાજવીજ સાથે વરસાદ પડી શકે છે. આ દરમિયાન પવનની ગતિ 52થી 60 કિલોમીટર પ્રતિ કલાક રહી શકે છે. હવામાન વિભાગની માહિતી પ્રમાણે આગામી 24 કલાક બાદ તાપમાનમાં 2થી 4 ડિગ્રીનો વધારો થઈ શકે છે.

હવામાન વિભાગના ડાયરેક્ટર એકે દાસે કહ્યું કે, આગામી ચાર દિવસ રાજ્યમાં વીજળીના કડાકા સાથે વરસાદની આગાહી છે. સૌરાષ્ટ્ર અને કચ્છમાં આજે ભારે વરસાદની આગાહી છે. સાયકલોનિક સર્ક્યુલેશનના કારણે રાજ્યમાં વરસાદ રહેશે. જૂનાગઢ, અમરેલી, ભાવનગર, સુરત, નવસારી, વલસાડ, સાબરકાંઠા, અરવલ્લીમાં ભારે વરસાદની આગાહી છે. ગુજરાતમાં 52-60 kmph ની ઝડપે પવન ફૂંકાશે. તાપમાનમાં 24 કલાક બાદ 2 થી 4 ડિગ્રી તાપમાન વધશે. અમદાવાદ અને ગાંધીનગરમાં હળવા વરસાદની આગાહી છે. 

હજી પણ ગુજરાત માટે આગાહી  હજુ ગુજરાતમાં 2 દિવસ માવઠાની હવામાનની આગાહી છે. એક સાથે 2 વરસાદી સિસ્ટમ સક્રીય થતાં વરસાદની આગાહી છે. મધ્ય પ્રદેશ તરફ સાયકલોનિક સર્ક્યુલેશન સક્રિય થયું છે. જેથી ગાજવીજ સાથે કમોસમી વરસાદ પડવાની આગાહી છે. અમદાવાદ, અમરેલી, ભાવનગરમાં વરસાદનું રેડ એલર્ટ છે. આણંદ, વલસાડ, દમણ અને દાદરાનગર હવેલીમાં વરસાદ પડશે. અન્ય જિલ્લામાં અતિભારે વરસાદનું ઓરેન્જ અલર્ટ છે.