આ સ્વદેશી એર ડિફેન્સ સિસ્ટમે પાકિસ્તાનના દાંત ખાટા કરી નાખ્યા, જાણો કોણે બનાવી આ ખતરનાક મિસાઈલ

પાડોશી દેશ પાકિસ્તાન તરફથી ભારત પર સતત ડ્રોન હુમલા થઈ રહ્યા છે. પરંતુ ભારત દર વખતે તેને નિષ્ફળ કરી રહ્યું છે. જેનું કારણ છે ભારત પાસે રહેલી હાઈટેક ડિફેન્સ સિસ્ટમ. 

ભારતની સુરક્ષામાં હાજર S-400 અને આકાશની જોડી

વાત જાણે એમ છે કે ભારત રશિયા પાસેથી મળેલી  S-400 ડિફેન્સ સિસ્ટમ અને સ્વદેશી આકાશ મિસાઈલ સિસ્ટમની મદદથી દુશ્મનના કોઈ પણ હવાઈ હુમલાનો એકદમ સટીક અને તરત જવાબ આપી રહ્યું છે. 

આકાશ મિસાઈલ સિસ્ટમ વિશે જાણો

આકાશ એક શોર્ટ રેન્જ સરફેસ ટુ એર મિસાઈલ સિસ્ટમ છે. જે જમીનથી દુશ્મનના હવાઈ ટાર્ગેટ્સ જેમ કે ડ્રોન, મિસાઈલ, હેલિકોપ્ટર અને ફાઈટર જેટ્સને ગણતરીની પળોમાં તબાહ કરી શકે છે. 

કોણે બનાવી આકાશ?

આ સંપૂર્ણ રીતે સ્વદેશી મિસાઈલ સિસ્ટમ છે. જેને હૈદરાબાદ સ્થિત ભારત ડાયનામિક્સ લિમિટેડે તૈયાર કર્યું છે. તેના બનાવનારા વૈજ્ઞાનિકનું નામ ડો. પ્રહ્લાદ રામારાવ હોવાનું કહેવાય છે. 

APJ અબ્દુલ કલામને સોંપી હતી જવાબદારી

ડો. રામારાવે આ સિસ્ટમને બનાવવામાં 15 વર્ષ મહેનત કરી અને જ્યારે આ સિસ્ટમ ફિલ્ડમાં સફળ થઈ તો તેમની આંખોમાં ખુશીના આંસુ આવી ગયા હતા. આ પ્રોજેક્ટના શરૂઆતના ડાયરેક્ટર તરીકે અબ્દુલ કલામે રામારાવને પસંદ કર્યા હતા અને તેમને જ આકાશ પ્રોજેક્ટની જવાબદારી સોંપી હતી. 

એક સાથે અનેક ટાર્ગેટને ખતમ કરવાની તાકાત

આ સિસ્ટમ એક વખતમાં અનેક હવાઈ લક્ષ્યાંકને ઓળખીને તેને તોડી પાડવામાં સક્ષમ છે. જેનાતી તે ભીડભાડવાળા યુદ્ધ ક્ષેત્રમાં પણ સારું પ્રદર્શન કરી શકે છે. અત્રે જણાવવાનું કે દરેક આકાશ લોન્ચરમાં 3 મિસાઈલ હોય છે. જે ફાયર એન્ડ ફોરગેટ ટેક્નોલોજી પર કામ કરે છે.

ઓટોમેટિક અને રિયલ ટાઈમ રિસ્પોન્સ

આકાશ એર સિસ્ટમની ખાસ વાત એ છે કે તે સંપૂર્ણ રીતે ઓટોમેટિક છે અને જોખમને રિયલ ટાઈમમાં ઓળખીને તરત જવાબ આપે છે. સરળ શબ્દોમાં કહીએ તો માણસના હસ્તક્ષેપની જરૂર પડતી નથી. 

ભારતની એર ડિફેન્સમાં મહત્વનો ભાગ

એક સમયે સેનાએ જેને અપનાવવામાં ખચકાટ અનુભવ્યો હતો આજે એ જ આકાશ ભારતની એર ડિફેન્સની પહેલી લાઈન બની ચૂક્યું છે. જે S-400 જેવી મોટી સિસ્ટમ સાથે મળીને દેશને હવાઈ જોખમોથી સુરક્ષિત રાખે છે.