IIT કાનપુરમાંથી સ્નાતક, વિદેશમાં PhD, પછી મોટા પગારની નોકરી છોડી બની ગયા સાધુ, જાણો કોણ છે આ વ્યક્તિ

Who is Indian Mathematician Mahan MJ? દર વર્ષે, લાખો વિદ્યાર્થીઓ 12મા ધોરણની પરીક્ષા પછી JEE એન્જિનિયરિંગ ફોર્મ ભરે છે. કેટલાક આ પરીક્ષાની તૈયારી શાળામાંથી જ શરૂ કરે છે, તો કેટલાક 10મા કે 12મા ધોરણ પછી આ પરીક્ષાની તૈયારી શરૂ કરે છે. વિદ્યાર્થીઓ IIT JEE પરીક્ષા પાસ કરવાનું અને દેશના શ્રેષ્ઠ IIT માં પ્રવેશ મેળવવાનું સ્વપ્ન જુએ છે. જોકે, આ પરીક્ષા ખૂબ મુશ્કેલ છે, પરંતુ જો તમને કહેવામાં આવે કે IIT માંથી ગ્રેજ્યુએશન પૂર્ણ કર્યા પછી કોઈ વ્યક્તિ ઉચ્ચ પેકેજની નોકરી છોડીને સાધુ બની ગયો, તો શું તમે માનશો... મોટાભાગના લોકો જવાબ નહીં આપે, પરંતુ આ સાચું છે. સંપૂર્ણ સમાચાર વાંચો..

અમે વાત કરી રહ્યાં છીએ 1968મા જન્મેલા મહાન મહારાજની, જેમને મહાન એમજે અને સ્વામી વિદ્યાનાથાનંદ નામથી ઓળખવામાં આવે છે. તેઓ એક લોકપ્રિય ભારતીય ગણિતશાસ્ત્રી અને રામકૃષ્ણ સંપ્રદાયના સાધુ છે. હાલમાં તેઓ મુંબઈમાં ટાટા ઇન્સ્ટિટ્યૂટ ઓફ ફંડામેન્ટલ રિસર્ચમાં ગણિતના પ્રોફેસર તરીકે કાર્યરત છે. મહાન એમજે હાઇપરબોલિક ભૂમિતિ, ભૌમિતિક જૂથ સિદ્ધાંત, લો ડાયમેન્શન ટોપોલોજી અને હાર્ડ ભૂમિતિમાં તેમના ક્રાંતિકારી કાર્ય માટે જાણીતા છે.

જાણકારી અનુસાર મહાન એમજે બાળપણથી ભણવામાં હોશિયાર હતા. તેમણે સેન્ટ ઝેવિયર્સ કોલેજિએટ સ્કૂલ, કોલકત્તાથી ધોરણ 12 સુધીનો અભ્યાસ પૂર્ણ કર્યો હતો. ત્યારબાદ JEE એડવાન્સમાં AIR 67 હાસિલ કરી આઈઆઈટી કાનપુરથી પોતાનું સ્નાતક પૂર્ણ કર્યું હતું. જોકે, ઇલેક્ટ્રિક એન્જિનિયરિંગ પછી, તેમનું મન ગણિત તરફ વળ્યું અને તેમણે ગણિતમાં અનુસ્નાતકની ડિગ્રી મેળવી. આ પછી, મહાન મહારાજે કેલિફોર્નિયા યુનિવર્સિટી, બર્કલેમાંથી ગણિતમાં પીએચડી કર્યું. આ પછી, 1998 માં, તેમણે ચેન્નાઈમાં ગણિત વિજ્ઞાન સંસ્થામાં થોડો સમય કામ પણ કર્યું. વર્ષ 2015 સુધી, તેઓ રામકૃષ્ણ મિશન વિવેકાનંદ યુનિવર્સિટીમાં ગણિતના પ્રોફેસર અને સંશોધનના ડીન હતા.

મીડિયા રિપોર્ટ્સ અનુસાર મહાન એમજેને પોતાનો અભ્યાસ પૂર્ણ કર્યા બાદ મોટા પગારની નોકરી મળી હતી, પરંતુ 1998મા તેમણે રામકૃષ્ણ ઓડરના સાધુ બનવાનો નિર્ણય કર્યો હતો. તેમણે સાધુ બનવા માટે પોતાની નોકરી છોડી દીધી હતી. મહાન એમજેએ પોતાના સાધુ થવા પર કહ્યુ હતુ કે હું ભિક્ષુ હોવાનો એટલો આનંદ લઈ રહ્યો છો, જેટલો હું મારા ગણિતનો આનંદ લઉં છું.