IPLમાં ફરી ધૂમ મચાવશે આ ધાકડ બોલર...BCCI તરફથી મળ્યું ક્લિયરન્સ

IPLની વર્તમાન સિઝનમાં લખનૌ સુપર જાયન્ટ્સને સારા સમાચાર મળ્યા છે. ફાસ્ટ બોલર ઈજામાંથી સાજો થઈ ગયો છે. સૂત્રોના જણાવ્યા અનુસાર તે 15 એપ્રિલથી લખનૌની ટીમ સાથે જોડાઈ શકે છે.

મયંક યાદવને બેંગલુરુમાં BCCIના સેન્ટર ઓફ એક્સેલન્સ (COE)તરફથી ફિટનેસ ક્લિયરન્સ મળ્યું છે. જો બધું બરાબર રહ્યું તો મયંક 19 એપ્રિલના રોજ રાજસ્થાન રોયલ્સ સામેની મેચમાં રમતા જોવા મળી શકે છે.

મયંક યાદવે IPL 2024માં તેની તોફાની બોલિંગથી સનસનાટી મચાવી હતી. મયંકે ઘણી વખત 150 KMPHની સ્પીડ ક્રોસ કરી હતી. તેની બોલિંગ સ્પીડ પ્રભાવશાળી હતી.  

મયંકે IPL 2024માં એક બોલ 156.7 KMPHની ઝડપે ફેંક્યો હતો, જે તે IPL સિઝનમાં ભારતીય બોલરનો સૌથી ઝડપી બોલ હતો.

મયંક યાદવે IPL 2024માં લખનૌ સુપર જાયન્ટ્સ માટે ચાર મેચમાં 12.14ની એવરેજ અને 6.98ના ઈકોનોમી રેટથી સાત વિકેટ લીધી હતી. જોકે, મયંક ઈજાના કારણે ઘણી મેચ રમી શક્યો નહોતો.