IPL માં રમવા માટે તરસી રહ્યા છે પાકિસ્તાનીઓ, અત્યાર સુધીમાં ફક્ત 11 ખેલાડીઓનું સપનું થયું છે પૂરું, જાણો તેમના નામ

શોએબ મલિકે આઈપીએલની 2008ની સીઝનમાં દિલ્હી ડેરડેવિલ્સ (હવે દિલ્હી કેપિટલ્સ)નું પ્રતિનિધિત્વ કર્યું હતું. મલિકે સાત મેચ રમી અને બોલથી બે વિકેટ લીધી અને 52 રન કર્યા. 

સોહેલ તનવીર આઈપીએલની 2008ની સીઝનમાં રાજસ્થાન રોયલ્સ તરફથી રમ્યો હતો. ડાબોડી ફાસ્ટ બોલરે 11 મેચ રમી અને 22 વિકેટ લીધી હતી. 

શોએબ અખ્તર આઈપીએલની 2008ની સીઝનમાં કોલકાતા નાઈટ રાઈડર્સ તરફથી રમ્યો હતો. આ પાકિસ્તાની ફાસ્ટ બોલર 3 મેચ રમ્યો હતો અને 5 વિકેટ લીધી હતી. 

મિસ્બાહ ઉલ હકે આઈપીએલ 2008ની સીઝનમાં રોયલ ચેલેન્જર્સ બેંગ્લુરુ તરફથી રમ્યો હતો. મિસ્બાહે આઠ મેચ રમી અને 117 રન કર્યા હતા. 

મોહમ્મદ આસિફે આઈપીએલની 2008ની સીઝનમાં દિલ્હી ડેરડેવિલ્સ (હવે દિલ્હી કેપિટલ્સ)નું પ્રતિનિધિત્વ કર્યું હતું. આ રાઈટી ફાસ્ટ બોલરે આઠ મેચ રમી અને આઠ વિકેટ ઝટકી. 

ઉમર ગુલ આઈપીએલની 2008ની સીઝનમાં કોલકાતા નાઈટ રાઈડર્સ માટે રમ્યો હતો. આ રાઈટી ફાસ્ટ બોલરે છ મેચોમાં 12 વિકેટ લીધી હતી. 

કામરાન અકમલ આઈપીએલ 2008ની સીઝનમાં રાજસ્થાન રોયલ્સ તરફથી રમ્યો હતો. વિકેટ કિપર બેટ્સમેને છ મેચમાં 128 રન કર્યા હતા. 

સલમાન બટ આઈપીએલની 2008ની સીઝનમાં કોલકાતા નાઈટ રાઈડર્સ તરફથી રમ્યો હતો. આ ડાબેરી બેટ્સમેને સાત મેચમાં 193 રન કર્યા હતા. 

શાહીદ આફ્રિદી આઈપીએલની 2008ની સીઝનમાં ડેક્કન ચાર્જર્સ માટે રમી ચૂક્યો છે. આફ્રિદીએ 10 મેચમાં 81 રન કર્યા હતા જ્યારે 9 વિકેટ લીધી હતી. 

યુનુસ ખાને આઈપીએલની 2008ની સીઝનમાં રાજસ્થાન રોયલ્સ માટે રમ્યો હતો. આ રાઈટી બેટ્સમેને ફક્ત એક મેચ રમી અને 3 રન કર્યા હતા. 

મોહમ્મદ હાફીઝ આઈપીએલ 2008ની સીઝનમાં કોલકાતા રાઈટ નાઈડર્સ તરફથી રમ્યો હતો. ઓલરાઉન્ડરે આઠ મેચમાં 64 રન કર્યા અને બે વિકેટ લીધી હતી.