19 વર્ષ બાદ આ ટીવી અભિનેત્રીએ ફોડ્યો Sajid Khan નો ભાંડો, કહ્યું, 'મને કપડા ઉતારવાના......'

ટીવી હોય કે ફિલ્મ ઈન્ડસ્ટ્રી બંને જગ્યાએ કાસ્ટિંગ કાઉચના સમાચાર આવતા રહે છે. ઘણી અભિનેત્રીઓ સામે આવી લોકોનો અસલી ચહેરો દુનિયાની સામે લાવવાનો પ્રયાસ કરે છે. આ લિસ્ટમાં ટીવી શો 'ઇશ્કબાઝ' ફેમ અભિનેત્રી નવીના બોલેનું નામ સામેલ થયું છે. વર્ષો બાદ અભિનેત્રીએ મૌન તોડતા પોતાનું દુખ વર્ણવ્યું છે. લેટેસ્ટ ઈન્ટરવ્યુમાં નવીનાએ બોલીવુડ ડાયરેક્ટર સાજિદ ખાન પર કાસ્ટિંગ કાઉચનો આરોપ લગાવ્યો છે. અભિનેત્રીનું કહેવું છે કે એક ફિલ્મના સિલસિલામાં જ્યારે તે સાજિદને મળવા ગઈ તો તેણે ખરાબ વર્તન કર્યું હતું.

સુભોજીત ઘોષની યૂટ્યૂબ ચેનલ પર નવીનાએ કહ્યું કે ફિલ્મ ઈન્ડસ્ટ્રીમાં કાસ્ટિંગ કાઉચ થાય છે અને તે તેનાથી વાકેફ છે. પોતાની આપવીતી જણાવતા નવીનાએ સાજિદ વિરુદ્ધ ભડાસ કાઢી છે. અભિનેત્રીએ કહ્યું- તે એક ખરાબ વ્યક્તિ છે જેને હું ક્યારેય મળવા ઈચ્છીશ નહીં, જેનું નામ સાજિદ ખાન છે. Gladrags દરમિયાન તે ઘણા લોકોની પાછળ પડી ચૂક્યો છે અને મહિલાઓનું અપમાન કરવામાં તેણે તમામ દહો પાર કરી છે. નવીના બોલેએ આગળ જણાવ્યું કે તે સાજિદને ત્યારે મળવા ગઈ હતી જ્યારે તે અક્ષય કુમારની સાથે બેબી બનાવવાના હતા.

નવીના બોલેએ પોતાની આપવીતી આગળ જણાવી, 'તમને ખબર છે હું ખૂબ વધુ ઉત્સાહિત હતી જ્યારે તેણે મને કોલ કર્યો હતો અને મને કહ્યું કે હું કેમ તારા કપડા ઉતારી દેતી નથી. હું જોવા ઈચ્છું છું કે લોન્ઝરીમાં તું કેટલી કમ્ફર્ટેબલ છે. આ 2004થી લઈને 2006 વચ્ચેનું છે, જ્યારે મે Gladrags કર્યું હતું.' મહત્વનું છે કે આ એક મેગા મોડલ કોન્ટેસ્ટ હતી, જેમાં નવીના રનર અપ બની હતી.  

નવીના બોલે એ પણ જણાવ્યું કે જ્યારે તેણે ત્યાંથી ભાગવાનો પ્રયાસ કર્યો તો સાજિદે તેને 50 વાર ફોન  કર્યો. અભિનેત્રીએ કહ્યું, 'હું તેની ઓફિસમાં નહોતી. તેણે મને ઘરે બોલાવી હતી અને સારું થયું કે હું કોઈને સાથે લઈ આવી જે નીચે મારી રાહ જોઈ રહ્યો હતો. તે સમયે મારે શું જવાબ આપવો તે હું સમજી શકતી ન હતી અને તે મને મારા કપડાં ઉતારવાનું કહેતો રહ્યો. તેણે કહ્યું, કલ્પના કરો કે તમે સ્ટેજ પર છો. મેં કહ્યું કે જો તમારે આ જ જોવું હોય તો મારે ઘરે જઈને બિકીની પહેરવી પડશે કારણ કે હું અહીં બેસીને મારા કપડાં નહીં ઉતારીશ. હું કોઈક રીતે ત્યાંથી બહાર નીકળવામાં સફળ રહ્યી. હું નીકળી કે તરત જ તેણે મને લગભગ 50 વાર ફોન કરીને પૂછ્યું કે હું ક્યાં છું અને હજુ સુધી કેમ આવી નથી.

નવીના બોલેએ વધુમાં જણાવ્યું કે સાજિદ ખાને તેને 1 વર્ષ પછી ફરીથી ફોન કર્યો હતો. તે દરમિયાન સાજિદે તેને કહ્યું હતું કે તે કોઈ ભૂમિકાને લઈને તેને મળવા માંગે છે. ઈશ્કબાદ અભિનેત્રીએ કહ્યું, 'આ વ્યક્તિએ ઘણી બધી મહિલાઓ પર પ્રયત્ન કર્યો હશે કે તેને યાદ પણ નહોતું કે તેણે મને પહેલા ફોન કર્યો હતો.' તમને જણાવી દઈએ કે આ પહેલીવાર નથી જ્યારે કોઈ અભિનેત્રીએ સાજિદ ખાન પર આવો આરોપ લગાવ્યો હોય. #MeToo ચળવળ દરમિયાન, ઘણી અભિનેત્રીઓએ તેના દુષ્કૃત્યોનો પર્દાફાશ કરવાનો પ્રયાસ કર્યો. આ સમયગાળા દરમિયાન સાજિદને ઘણી બાબતોનો સામનો કરવો પડ્યો હતો. એક ઈન્ટરવ્યુમાં સાજિદે ખુલાસો કર્યો હતો કે આ દરમિયાન તેણે આત્મહત્યા કરવાનું મન બનાવી લીધું હતું. અત્યારે જોવાનું એ છે કે સાજીદ નવીનાના આરોપો પર શું કહે છે?