98 રૂપિયા ઈસ્યુ પ્રાઈસ, 25 વર્ષ જૂની છે કંપની, 17 માર્ચથી ખુલી રહ્યો છે IPO

Upcoming IPO: યર-ટુ-એન્ડ લોજિસ્ટિક્સ સર્વિસ પ્રોવાઇડર કંપનીએ પ્રારંભિક જાહેર ઓફર (IPO) શરૂ થવાનો છે. કંપનીએ આ IPO દ્વારા 45 કરોડ રૂપિયા એકત્ર કરવાની યોજના બનાવી છે. સોમવાર, 17 માર્ચના રોજ ખુલનારા આ ઇશ્યૂની કિંમત પ્રતિ શેર રૂ. 93-98 નક્કી કરવામાં આવી છે. આ IPO 19 માર્ચે બંધ થશે. આ IPO ના એક લોટમાં ઓછામાં ઓછા 1,200 શેર હશે. તે જ સમયે, લઘુત્તમ રોકાણ 117600 રૂપિયા છે. IPO ની ફાળવણી 20 માર્ચે થવાની ધારણા છે. તે જ સમયે, IPO નું લિસ્ટિંગ 24 માર્ચે થવાની ધારણા છે.  

BSE SME પ્લેટફોર્મ પર લિસ્ટ થવાના પારદીપ ટ્રાન્સપોર્ટ(Paradeep Parivahan) IPOમાં 45.78 લાખ શેર જાહેર કરવામાં આવશે. IPOમાંથી મળેલી રકમનો ઉપયોગ કાર્યકારી મૂડી અને સામાન્ય કોર્પોરેટ ખર્ચ માટે કરવામાં આવશે. આ ઇશ્યૂના બુક-રનિંગ લીડ મેનેજર્સ શેર ઇન્ડિયા કેપિટલ સર્વિસીસ છે અને બિગશેર સર્વિસીસ રજિસ્ટ્રાર છે.  

પરદીપ ટ્રાન્સપોર્ટના મેનેજિંગ ડિરેક્ટર ખાલિદ ખાને જણાવ્યું હતું કે IPO દ્વારા એકત્ર કરાયેલા ભંડોળથી કાર્યકારી મૂડી તો મજબૂત થશે જ, સાથે સાથે ક્ષમતાઓના વિસ્તરણ, નવીનતામાં રોકાણ અને સેવા ઓફરિંગમાં વધારો પણ થશે.

IPO સબ્સ્ક્રિપ્શન સમયગાળો: 17-19 માર્ચ નક્કિ કરવામાં આવ્યો છે, 20 માર્ચ અંદાજિત ફાળવણી થઈ શકે છે. જે રોકાણકારોને શેર ફાળવવામાં નહીં આવે તેને 21 માર્ચ વળતરની અપેક્ષા છે.   

નાણાકીય વર્ષ 24 માં, કંપનીએ 211 કરોડ રૂપિયાની આવક રૂ. 34 કરોડનો EBITDA અને રૂ. 15 કરોડનો ચોખ્ખો નફો હાંસલ કર્યો હતો. ગયા સપ્ટેમ્બર સુધીમાં, કંપનીએ 137 કરોડ રૂપિયાની આવક,  13 કરોડનો EBITDA અને રૂ. 5 કરોડનો ચોખ્ખો નફો નોંધાવ્યો હતો.

પરદીપ ટ્રાન્સપોર્ટ લિમિટેડની સ્થાપના વર્ષ 2000 માં થઈ હતી. તેનો હેતુ મુખ્યત્વે કાર્ગો હેન્ડલિંગ, બંદર કામગીરી, આંતર-બંદર પરિવહન, આયાત કાર્ગોનું હેન્ડલિંગ વગેરે સાથે સંબંધિત છે. આ કંપનીનું રજિસ્ટર્ડ ઓફિસ ઓડિશામાં આવેલું છે.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)