ગુરુદાસપુરમાં પાકિસ્તાનના ડ્રોન હુમલાથી મોટો ખાડો પડી ગયો, 4 કિમી વિસ્તારમાં તૂટ્યા ઘરના કાચ, PHOTOs

શુક્રવારે પાકિસ્તાને ફરી એકવાર ભારતમાં 26 સ્થળોએ ડ્રોન હુમલા કર્યા. આમાં પંજાબનો મુખ્ય જિલ્લો ગુરદાસપુર પણ સામેલ છે. ગુરદાસપુરમાં એક નહીં પરંતુ ત્રણ મોટા વિસ્ફોટો સંભળાયા હોવાનું કેટલાક સ્થાનિકોનું કહેવું છે. આનાથી સ્પષ્ટ થાય છે કે ભારતીય સેનાએ પાકિસ્તાન દ્વારા મોકલવામાં આવેલા ડ્રોનને હવામાં જ તોડી પાડ્યા હતા. ગુરદાસપુર ઉપરાંત, પંજાબના ફિરોઝપુર, પઠાણકોટ અને ફાઝિલ્કા જેવા મોટા જિલ્લાઓનો પણ સમાવેશ થાય છે.

જિલ્લાના ચિચરા ગામમાં સવારે લગભગ 4:45 વાગ્યે એક મોટો વિસ્ફોટ થયો. આ વિસ્ફોટને કારણે ગામના એક ખાલી ખેતરમાં 40 ફૂટ લાંબો અને 15 ફૂટ ઊંડો ખાડો બની ગયો છે. આ વિસ્ફોટનો અવાજ સાંભળીને ગામના લોકો ગભરાઈ ગયા અને ત્રણથી ચાર કિલોમીટરના વિસ્તારમાં લોકોના ઘરોના કાચ તૂટી ગયા.

ચિચરા ગામમાં રાત્રે ચાર વિસ્ફોટનો અવાજ સંભળાયો. સરપંચ સુખદેવ સિંહના જણાવ્યા મુજબ, ગામના ખેતરોમાં મોટા ખાડા છે. ખાડાની આસપાસ બોમ્બ જેવી વસ્તુ પથરાયેલી મળી આવી. આ સંદર્ભે પોલીસને જાણ કરવામાં આવી છે. 

પંજાબના ઘણા સ્થળોએ એલર્ટ જારી કરવામાં આવ્યું છે. ભારત અને પાકિસ્તાન વચ્ચેના તણાવની પંજાબ પર અસર પડી રહી છે, કારણ કે તે પાકિસ્તાન બોર્ડરથી અડીને આવેલું છે.