Scorpion King: મોહમંદ હામ્દી વિંછીઓ વડે બન્યો અમીર, 7 લાખમાં વેચે છે એક ગ્રામ ઝેર

ઇજિપ્તના રણ અને તટીય વિસ્તારોમાંથી વિછીં પકડવાના શોખના લીધે થોડા વર્ષો પહેલાં જ મોહમંદ હામ્દીએ આર્કિયોલોજીમાં ડિગ્રીનો અભ્યાસ છોડી દીધો હતો. તે વિછીંના ઝેર નિકાળે છે, જેનો ઉપયોગ દવાઓ બનાવવામાં થાય છે. 

ફક્ત 25 વર્ષની ઉંમરમાં મોહમંદ હામ્દી 'કાયરો વેનોમ કંપની'ના માલિક બની ગયા છે. આ એક એવો પ્રોજેક્ટ છે જ્યાં અલગ-અલગ પ્રજાતિના 80,000 હજારથી વધુ વિંછી અને સાપ રાખવામાં આવે છે. આ સાપન અને વિંછીઓનું ઝેર કાઢીને દવા બનાવનાર કંપનીઓને વેચવામાં આવે છે. 

યૂવી લાઇટ (અલ્ટ્રાવોલેટ લાઇત)ની મદદથી પકડવામાં આવેલા વિંછીઓના ઝેરને કાઢવા માટે સામાન્ય ઇલેક્ટ્રિક શોક આપવામાં આવે છે. ઇલેક્ટ્રિક શોક લાગતાં જ વિંછીઓનું ઝેર બહાર આવી જાય છે અને તેને સ્ટોર કરી લેવામાં આવે છે. 

રોયટર્સના એક રિપોર્ટ અનુસાર વિંછીના એક ઝેરથી લગભગ 20,000 થી 50,000 સુધી એંટીવેનોમ ડોઝ બનાવવામાં આવી શકે છે. એંટીવેનોમ ડ્રગ તૈયાર કરતી વખતે વિંછીના ઝેરની કોન્ટેટીમાં એકદમ સાવધાની વર્તવામાં આવે છે. 

મોહમંદ હામ્દી બોશ્તા વિંછીઓનું ઝેર યૂરોપ અને અમેરિકામાં સપ્લાય કરે છે, જ્યાં તેનો ઉપયોગ એંટીવેનમ ડોઝ અને હાઇપરટેંશન જેવી તમામ બિમારીઓની દવા બનાવવામાં કરવામાં આવે છે. વિછીંનું એક ગ્રામ ઝેર વેચતાં તેમને 10 હજાર યૂએસ ડોલર એટલે કે લગભગ 7 લાખ રૂપિયા મળે છે. 

સેંટર્સ ફોર ડિસીઝ કંટ્રોલ એન્ડ પ્રીવેશનના રિપોર્ટ અનુસાર અમેરિકામાં દર વર્ષે લગભગ 80,000 લોકોને ઝેરી સાપ અને વિંછી કરડે છે. આ ઝેરી જીવો દ્વારા કરડતાં માણસને તાત્કાલિક સારવારની જરૂર પડે છે. પરંતુ દુર્ભાગ્યવશ એંટીવેનમ ડ્રગનું બજાર ખૂબ જ નાનું છે. કદાચ એટલા માટે આ દવાઓના ભાવ વધુ હોય છે. 

ઝેરી જીવોના ઝેર માણસની બોડીમાં હાજર ટીશૂઝને ઝડપથી ડેમેજ કરે છે. તેમાં હેમરેજ અથવા રેસ્પિરેટરી અરેસ્ટની સમસ્યા વધી જાય છે. આ ઝેર એટલું દર્દનાક અને જીવલેણ હોય છે કે પળવારમાં માણસનું મોત નિપજે છે.